मुंबई : प्रतिनिधी
सध्या सोशल मीडियावर एक व्हीडीओ व्हायरल होत आहे. या व्हीडीओमध्ये स्मृती मानधनाचे कुटुंबीय आणि पलाश मुच्छलचे कुटुंबीय एकत्र असल्याचे दिसत आहे. त्यामुळे स्मृती आणि पलाश पुन्हा एकत्र आल्याच्या चर्चांना उधाण आले आहे.
गेल्या वर्षी नोव्हेंबर महिन्यामध्ये भारतीय महिला क्रिकेटपटू स्मृती मानधना आणि म्युझिक कंपोझर पलाश मुच्छल यांचे लग्न होणार होते. त्यांच्या लग्नासाठी सांगलीमधील फार्महाऊसवर सर्व तयारी करण्यात आली होती. प्री-वेडिंग फंक्शन्सही पार पडले होते. पण लग्नाच्या काही तास आधी त्यांचे लग्न मोडले. स्मृतीच्या वडिलांची तब्येत बिघडल्याचे समोर आले होते. नंतर समजले की, लग्नापूर्वी स्मृतीने पलाशला फसवले होते. पण सध्या सोशल मीडियावर व्हायरल झालेल्या व्हीडीओवरून पलाश आणि स्मृतीमध्ये सर्व काही ठीक झाल्याचे वाटत आहे.
सोशल मीडियावर व्हायरल झालेला एक व्हीडीओ सध्या सर्वांचे लक्ष वेधून घेत आहे. या व्हीडीओमध्ये स्मृती मानधनाचे वडील पलाश मुच्छलची बहीण पलक मुच्छल आणि तिचे पती मिथुन यांच्यासोबत दिसत आहेत. व्हीडीओ पाहून लोकांना विश्वासच बसत नाही. या व्हीडीओत स्मृतीचे वडील आणि पलक मुंबईतील एका रेस्टॉरंटच्या बाहेर दिसले. पलक त्यांच्या पायाला स्पर्श करते. ते गायिकेला आशीर्वाद देत निघून जातात. व्हीडीओ पाहून सर्वजण आश्चर्यचकित झाले आहेत. युजर्सचा विश्वास आहे की दोन्ही कुटुंबांमध्ये सर्व काही ठीक झाले आहे. कोणी म्हणाले की पलाश आणि स्मृती पुन्हा एकत्र येणार आहेत. अनेक जण आश्चर्याने विचारत आहेत हे काय आहे, हे कसे झाले?
नेटक-यांनी दिल्या प्रतिक्रिया
काही युजर्सनी हे व्हीडीओ फेक असल्याचे सांगितले, तर काहींनी तो जुना व्हीडीओ असल्याचे म्हटले. आता पलक आणि स्मृतीच्या वडिलांचा हा व्हीडीओ जुना आहे की नवीन, याची अधिकृत पुष्टी झालेली नाही. पण एवढे नक्की आहे की या व्हीडीओने इंटरनेटवर खळबळ माजवली आहे.
पलाश आणि स्मृती २५ नोव्हेंबर २०२५ रोजी लग्न करणार होते. ते आयडल कपल बनले होते. पण लग्नाच्या एक दिवस आधी पलाश दुस-या एका महिलेसोबत होता. स्मृतीसोबत राहत असतानाही पलाशचे अनेक महिलांशी संबंध असल्याचे समोर आले. त्यामुळे स्मृतीने लग्नास नकार दिला. या प्रकरणावर स्मृतीने आजतागायत मौन बाळगले आहे.
