25.9 C
Latur
Wednesday, October 27, 2021
Homeक्रीडाटीम इंडियाला बीसीसीआय अध्यक्ष गांगुलीचा सल्ला

टीम इंडियाला बीसीसीआय अध्यक्ष गांगुलीचा सल्ला

परदेशात कसोटी जिकायचीये, तर ' हे' काम आवश्यक

एकमत ऑनलाईन

नवी दिल्ली : ऑस्ट्रेलियाचा भारत दौरा आता अवघ्या काही दिवस शिल्लक आहे. १० नोव्हेंबरला युएई येथे सुरू असलेल्या आयपीएल २०२० च्या अंतिम सामन्यानंतर भारतीय संघ ऑस्ट्रेलियाला रवाना होईल. या र्दौ­याची सुरुवात एकदिवसीय आणि टी -२० मालिकेपासून होईल, पण सर्वांचे लक्ष १७ डिसेंबरपासून सुरू होर्णा­या कसोटी मालिकेवर आहे. शेवटच्या र्दौ­यावर भारतीय संघाने इथली ऐतिहासिक मालिका जिंकली, पण यावेळी ही गोष्ट सोपी होणार नाही. भारतीय क्रिकेट नियामक मंडळाचे (बीसीसीआय) अध्यक्ष सौरव गांगुली यांचे मत आहे की विराट कोहलीच्या कॅप्टन्सीवर बरेच काही अवलंबून असेल.

भारत आणि ऑस्ट्रेलिया यांच्यातील कसोटी मालिका कायमच उत्साहवर्धक राहिली आहे. अलिकडच्या वर्षांत भारत संघाच्या बळामुळे ही मालिका आणखीन रोमांचक होऊ लागली आहे. ४ सामन्यांची ही मालिका सध्या भारताच्या ताब्यात असलेल्या बॉर्डर -गावस्कर ट्रॉफीसाठी खेळली जात आहे. मागील वेळी भारताने ऐतिहासिक मालिका नोंदविली होती, पण यावेळी रस्ता सोपा होणार नाही कारण डेव्हिड वॉर्नर आणि स्टीव्ह स्मिथचे पुनरागमन पूर्वीपेक्षा मजबूत आहे. टीम इंडियाच्या संभाव्यतेबद्दल गांगुली म्हणाले की, कॅप्टन कोहली आपल्या खेळाडूंचा कसा उपयोग करतात यावर निकाल निश्चित होईल.

माजी कर्णधार म्हणाले की, भारताकडे चांगले वेगवान गोलंदाज आहेत आणि नवदीप सैनीही तेथे प्रभाव पाडू शकतात, परंतु विराट त्यांचा वापर कसा करेल हे पहावे लागेल. गांगुली म्हणाले, ‘हे विराटवर अवलंबून आहे आणि मी बीसीसीआय अध्यक्षांऐवजी एक क्रिकेटर म्हणून बोलत आहे की, हे विराट संदर्भात आहे कि तो कसा त्यांचा योग्य वापर करून त्यांच्याकडून सर्वश्रेष्ठ प्रदर्शन करून घेईल. त्याने ठरवायचे आहे की, तो कोणाला अटॅकसाठी आणतो आणि कोणाला बचावासाठी उतरवतो.

इंग्लंड-दक्षिण आफ्रिकेत चांगली कामगिरी करायला हवी होती
गांगुली असाही म्हणाला की, कोहली आणि टीम इंडियाला परदेशी भूमीवर चांगले प्रदर्शन करावे लागतील. कोहलीबद्दल बोलताना गांगुली म्हणाला, ‘त्यांना बसून हे समजून घ्यावे लागेल की त्यांना देशाबाहेर चांगले खेळायचे आहे. ऑस्ट्रेलियाविरुद्धची मालिका चांगली होती आणि त्यांनी जिंकली, परंतु इंग्लंड, दक्षिण आफ्रिका आणि न्यूझीलंडमध्येही त्यांनी चांगली कामगिरी करायला हवी होती आणि ही टीम सक्षम आहे.

गांगुली म्हणाला की, त्यांना धावा कराव्या लागतील, तरच विजय मिळेल. इंग्लंड आणि ऑस्ट्रेलिया मालिकेचे उदाहरण देत गांगुलीने स्पष्ट केले की, ‘आम्हाला इंग्लंडमध्ये जिंकता आले नाही, कारण कोहली व पुजारा यांच्याखेरीज कोणीही शतक केले नाही.’ ऑस्ट्रेलियामध्ये जिंकलो कारण पुजाराने ५०० पेक्षा जास्त धावा केल्या, ३ शतके ठोकली. कोहलीने शतक ठोकले आणि पंतनेही शतक ठोकले. ‘ गांगुलीने अशी आशा व्यक्त केली की भारतीय फलंदाजांनी या मालिकेतून शिकले असावे आणि ते मैदानात उभे राहून या मालिकेत जोरदार लढा देतील.

फटाक्यांच्या धुरामुळे कोरोनाचा प्रादुर्भाव वाढण्याची शक्यता : मुख्यमंत्री ठाकरे

ताज्या बातम्या

आणखीन बातम्या

1,527FansLike
195FollowersFollow
SubscribersSubscribe

लोकप्रिय बातम्या