मुंबई : प्रतिनिधी
महाराष्ट्र नवनिर्माण सेनेतून निलंबित करण्यात आलेले रत्नागिरी जिल्ह्यातील खेडचे माजी नगराध्यक्ष वैभव खेडेकर यांनी मंगळवारी आपल्या असंख्य समर्थकांसह भारतीय जनता पक्षात प्रवेश केला. प्रदेशाध्यक्ष रवींद्र चव्हाण यांनी खेडेकर आणि त्यांच्या सहका-यांचे स्वागत केले.
आगामी स्थानिक स्वराज्य संस्थांच्या निवडणुकीत भाजपला प्रचंड यश मिळवून देऊ, असा विश्वास खेडेकर यांनी यावेळी बोलून दाखविला. यावेळी रत्नागिरी जिल्ह्यातील राष्ट्रवादी काँग्रेससह अनेक पक्षाच्या कार्यकर्त्यांनी भाजपमध्ये प्रवेश केला. यावेळी प्रदेश सरचिटणीस आमदार विक्रांत पाटील, माजी आमदार विनय नातू, जिल्हाध्यक्ष सतीश मोरे, केदार साठे आदी उपस्थित होते.
