नवी दिल्ली : वृत्तसंस्था
अर्थमंत्री निर्मला सीतारामन यांनी सादर केलेल्या अर्थसंकल्पात सर्वाधिक चर्चा करासंदर्भात झाली. प्रत्यक्ष आणि अप्रत्यक्ष करातून सरकारला उत्पन्न मिळत आहे. यंदाच्या अर्थसंकल्पात एंजल टॅक्स हटविण्यात आला. आता अर्थव्यवस्थेवर या कर प्रणालीचा मोठा प्रभाव पडला आहे. परंतू जगात काही देश असेही आहेत जे आपल्या नागरिकांकडून एक पैसाही कर वसुल करीत नाहीत, तरी या देशाची इकॉनॉमी सुसाट धावत आहे.
यूनायटेड अरब अमीरात : या यादीत सर्वात आधी नाव नाव यूनायटेड अरब अमीरात या देशाचे येते. या देशाने वैयक्तिक कर लागू केलेला नाही. अप्रत्यक्ष करातून सरकार आपला खर्च भागवते. ऑईल आणि टूरिझमच्या यूएईची इकॉनॉमी खूपच मजबूत आहे. कारण हा देश तेल संपन्न देश आहे. तसेच पर्यटनामुळेही या देशाची तिजोरी भरलेली असते.
बहारीन : बहारीनचे सरकार देखील आपल्या नागरिकांकडून आयकर वसुल करीत नाही. येथेही दुबईसारखीच व्यवस्था आहे. सरकार इनडायरेक्ट टॅक्सने आपला खर्च भागवते. या सिस्टीममुळे बहारीन मध्ये छोटे बिजनेस आणि स्टार्टअप्स वेगाने वाढत आहेत, आणि इकॉनॉमी चांगली आहे.
कुवैत : कुवैत देखील एक टॅक्स फ्री देश आहे. या देशातील जनतेला देखील इन्कम टॅक्स भरावा लागत नाही. कुवैतची अर्थव्यवस्था तेलावर अवलंबून आहे. त्यामुळे कुवैत सरकारला लोकांकडून आयकर वसुल करण्याची काही आवश्यकता राहात नाही.
सौदी अरब : सौदी अरबने आपल्या नागरिकांना इन्कम टॅक्स, डायरेक्ट टॅक्स मधून मुक्त केलेले आहे. देशाची इकॉनॉमी इनडायरेक्ट टॅक्स सिस्टममुळे वेगाने दौडत आहे.
द बहामस : बहामासची अर्थव्यवस्था टूरिझमवर अवलंबून आहे. या देशाने देखील आपल्या नागरिकांना इन्कम टॅक्सपासून मुक्त ठेवले आहे. दरवर्षी येथे लोक फिरायला येतात. त्यामुळे या देशाची अर्थव्यवस्था चालते.
ब्रूनेई : या इस्लामिक देशात तेलाचे भांडार आहेत. येथील सरकार लोकांकडून कोणताही टॅक्स घेणे गरजेचे समजत नाही.
केमन आयलँड : उत्तर अमेरिकेतील हा देश टूरिझमसाठी ओळखला जात असून या देशाची अर्थव्यवस्था पर्यटनावरच चालते. लोक येथे पर्यटनासाठी येत असतात. हा देश सुट्ट्या घालविण्यासाठी उत्तम आहे. या देशाचे सरकार आपल्या जनतेकडून इन्कम टॅक्स वसूल करीत नाही.
ओमान : ओमान देखील बहारीन आणि कुवैत सारखाच आपल्या नागरिकांकडून कोणताही प्रत्यक्ष कर वसुल करीत नाही. हा देश तेल आणि गॅस विकून आपली इकॉनॉमी व्यवस्थितरित्या चालवित आहे.
कतार : कतार देश देखील आपल्या शेजारील आखाती देशांसारखा ऑईल इंडस्ट्रीवर अवलंबून आहे. यामुळे कतारमध्ये जनतेकडून इन्कम टॅक्स वसूल केला जात नाही. हा देश छोटा असूनही एक श्रीमंत देश आहे.
मोनॅको : मोनॅको हा देश यूरोपमधील एक छोटासा देश आहे. या छोट्याशा देशाची इकॉनॉमी खूप मजबूत आहे.हा देश टूरिझममधूनच कमाई करीत असतो. त्यामुळे या देशाला जनतेकडून इन्कम टॅक्स घेण्याची गरज वाटत नाही.
