लातूर : प्रतिनिधी
इयत्ता १२ वी बोर्ड परीक्षेचा निकाल दि. २१ मे रोजी जाहीर झाला. यात येथील राजर्षी शाहू महाविद्यालयाच्या विद्यार्थ्यांनी उज्जवल यशाची परंपरा कायम ठेवली आहे. यावर्षी विज्ञान शाखेत एकूण १०६२ विद्यार्थ्यांनी ही परीक्षा दिली होती त्यापैकी १०६२ विद्यार्थी उत्तीर्ण झालेले आहेत. विज्ञान शाखेचा निकाल १०० टक्के आहे.
तसेच वाणिज्य शाखेत ४७१ परीक्षार्थ्यांंपैकी ४५८ उत्तीर्ण झाले आहेत. वाणिज्य शाखेचा निकाल ९७.२३ टक्के आहे. कला शाखेत २६० परीक्षार्थ्यांपैकी२४३ उत्तीर्ण झाले आहेत. कला शाखेचा निकाल ९३.४६ टक्के आहे. एच. एस. सी. व्होकेशनल शाखेचा निकाल ९३.३३ टक्के आहे. लातूर विभागातून विज्ञान शाखेच्या उत्तीर्ण विद्यार्थ्यांचे प्रमाण ९७.८१ टक्के आहे. या तुलनेत महाविद्यालयाचे उत्तीर्ण विद्यार्थ्यांचे प्रमाण २.१९ टक्के जास्त आहे. धिरज राघोबा सोमवंशी हा विद्यार्थी ९५ टक्के गुण मिळवुन महाविद्यालयात सर्वप्रथम आला. कु. सृष्टी सुदर्शन बोटवे हिने ९३.३३ टक्के गुण मिळवुन दुसरे स्थान प्राप्त केले तर श्रीया श्यामसुंदर देव ही विद्यार्थिनी ९२.८३ टक्के गुण प्राप्त करून सर्वतृतीय आली आहे.
जाहीर झालेल्या निकालानुसार एकूण २० विद्यार्थ्यांना ९० टक्क्यांपेक्षा जास्त गुण मिळाले, २२९ विद्यार्थ्यांना ८० टक्क्यांपेक्षा जास्त गुण तर ४३१ विद्यार्थी ७५ टक्क्यांपेक्षा अधिक गुण मिळवून विशेष प्राविण्यासह उत्तीर्ण झाले आहेत. वाणिज्य शाखेत आशिष भुतडा हा विद्यार्थी ९६.८३ टक्के गुण घेऊन महाविद्यालयातून सर्वप्रथम आला आहे. तर हर्ष बिलोलीकर हा विद्यार्थी ९६.६७ टक्के गुण घेऊन द्वितीय तसेच खुशी अग्रवाल व समर्थ कोळी हे दोन विद्यार्थी ९६.१७ टक्के गुणांसह तृतीय स्थानी आहेत. वाणिज्य शाखेतून एकूण ४४ विद्यार्थ्यांनी ९० टक्क्यांपेक्षा जास्त गुण घेतले आहेत. तसेच १९६ विद्यार्थी विशेष प्राविण्यासह उत्तीर्ण झाले आहेत. लातूर विभागातून वाणिज्य शाखेच्या उत्तीर्ण विद्यार्थ्यांचे प्रमाण ९२.३१ टक्के आहे. या तुलनेत महाविद्यालयाचे उत्तीर्ण विद्यार्थ्यांचे प्रमाण ४.९२ टक्के जास्त आहे. या महाविद्यालयामधून कला, वाणिज्य व विज्ञान शाखेतून १०० पैकी १०० गुण घेणारे संस्कृत-३०, पुस्तपालन व लेखाकर्म-२१, गणित – ०९, पाली-०३, रशियन- ०१, अर्थशास्त्र०१ व ए. एस. टी. (क्रॉप प्रॉडक्शन)-०२ विद्यार्थी आहेत. एच.एस.सी. व्होकेशनल शाखेतून कादरी आसीफ हा विद्यार्थी ७७.६७ टक्के गुण घेऊन महाविद्यालयात प्रथम आला आहे.
सर्व यशस्वी विद्यार्थ्यांचे शिव छत्रपती शिक्षण संस्थेचे अध्यक्ष डॉ. गोपाळराव पाटील, उपाध्यक्ष डॉ. पी. आर. देशमुख, सचिव प्राचार्य अनिरुद्ध जाधव, सहसचिव गोपाळ शिंदे, सहसचिव अॅड. सुनिल सोनवणे, माजी प्राचार्य डॉ. आर. एल. कावळे व इतर सर्व संस्थेचे संचालक, सीईटी-सेल शालेय समिती अध्यक्ष डॉ. सुहास गोरे तसेच महाविद्यालयाचे प्राचार्य डॉ. महादेव गव्हाणे, उपप्राचार्य प्रा. एस. एन. शिंदे, सीईटी- सेलचे संचालक प्रा. दिलीप देशमुख, पर्यवेक्षक प्रा. जयराज गंगणे व प्रा. सोमदेव शिंदे तसेच इतर सर्व मुख्य समन्वयक, शिक्षक व शिक्षकेत्तर कर्मचा-यांनी विशेष अभिनंदन केले आहे.