बंगळुरू : माजी मुख्यमंत्री बीएस येदियुरप्पा यांच्या सरकारच्या काळात कोविड घोटाळा उघडकीस आल्यापासून कर्नाटकातील राजकारण तापले आहे. कर्नाटकातील भाजप सरकारच्या काळात ४० हजार कोटी रुपयांचा कोविड घोटाळा झाल्याचा आरोप विजयपूरचे भाजप आमदार बसनगौडा पाटील यत्नल यांनी केला आहे.
बसनागौडा यांच्या या दाव्यावर कर्नाटकचे मुख्यमंत्री सिद्धरामय्या यांनी गुरुवार दि. २८ डिसेंबर रोजी सांगितले की, आमदार पाटील यांचा हेतू दोषींना शिक्षा करण्याचा असेल तर त्यांनी या घोटाळ्याशी संबंधित कागदपत्रे तपास आयोगासमोर (न्यायमूर्ती जॉन मायकल कुन्हा समिती) सादर करावीत. त्याचवेळी कर्नाटकच्या विद्यमान सरकारमधील मंत्री प्रियांक खरगे यांनीही बसनागौडा पाटील यत्नल यांना घोटाळ्याशी संबंधित कागदपत्रे सार्वजनिक करण्यास सांगितले आहे. कर्नाटकातील जनतेला लक्षात घेऊन आणि त्यांच्या सुरक्षेसाठी कागदपत्रे सार्वजनिक करावीत असे ते म्हणाले. दरम्यान, प्रदेश भाजपचे सरचिटणीस पी. राजीव यांनी सांगितले की, प्रदेशाध्यक्ष बीवाय विजयेंद्र यांच्या नेतृत्वाखाली झालेल्या भाजप पदाधिका-यांच्या बैठकीत या विषयावर सविस्तर चर्चा झाली. पक्षाच्या प्रतिष्ठेला हानी पोहोचवणारी कामे खपवून घेतली जाणार नाहीत असे कर्नाटक भाजपने म्हटले आहे.
भाजप आमदार बसनगौडा पाटील यत्नल (डावीकडे) यांनी कोविड दरम्यान भाजप सरकारमध्ये ४० हजार कोटी रुपयांचा कोविड घोटाळा झाल्याचा दावा केला आहे. माजी मुख्यमंत्री येदियुरप्पा आणि त्यांच्या मुलावरही आरोप करण्यात आले आहेत. भाजप आमदार बसनगौडा पाटील यत्नल (डावीकडे) यांनी कोविड दरम्यान भाजप सरकारमध्ये ४० हजार कोटी रुपयांचा कोविड घोटाळा झाल्याचा दावा केला आहे. माजी मुख्यमंत्री येदियुरप्पा आणि त्यांच्या मुलावरही आरोप करण्यात आले आहेत.
मास्कची किंमत ४८५ रुपये झाली
त्यावेळी आमचे सरकार होते, मात्र कोणाचे सरकार सत्तेत होते याचा काही फरक पडत नसल्याचे पाटील म्हणाले. चोर हे चोर आहेत. कोरोना महामारीच्या वेळी ४५ रुपयांच्या मास्कची किंमत ४८५ रुपये ठेवण्यात आली होती. बंगळुरूमध्ये १० हजार खाटांची व्यवस्था करण्यात आली होती. त्यासाठी १० हजार खाटा भाड्याने देण्याचे आदेश दिले होते. जेव्हा मला कोरोनाची लागण झाली तेव्हा मणिपाल हॉस्पिटलने 5 लाख 80 हजार रुपये मागितले होते. गरीब माणसाकडे एवढे पैसे कुठून येणार?
भाजप सरकार ४०% कमिशन सरकार
भाजप आमदाराच्या या आरोपांनंतर कर्नाटकचे मुख्यमंत्री सिद्धरामय्या यांची प्रतिक्रियाही समोर आली आहे. ते म्हणाले होते की, भाजप आमदाराच्या या आरोपांमुळे आमचे पूर्वीचे पुरावे आणखी भक्कम झाले आहेत. भाजपचे सरकार ४० टक्के कमिशनचे सरकार होते. यत्नल यांच्या आरोपांचा विचार केला तर भ्रष्टाचार १० पटीने मोठा असल्याचे दिसून येते. आमच्या आरोपांवर ओरडून सभागृहातून बाहेर पडलेल्या भाजपच्या मंत्र्यांचा गट आता कुठे लपला आहे?
