नवी दिल्ली : संसदेच्या सुरक्षेतील त्रुटींवरून विरोधी पक्षांनी शुक्रवार १५ डिसेंबर रोजी सलग दुस-या दिवशी लोकसभा आणि राज्यसभेत गदारोळ केला. अवघ्या २ मिनिटांत लोकसभेचे कामकाज तहकूब करण्यात आले.
सभापती ओम बिर्ला खुर्चीवर बसताच गदारोळ सुरू झाला. विरोधी खासदार वेलमध्ये पोहोचले. विरोधकांनी गृहमंत्री सभागृहात अमित शहा यांच्या निवेदनाची आणि राजीनाम्याची मागणी केली. गदारोळामुळे लोकसभेचे कामकाज सकाळी ११.०२ वाजता आणि राज्यसभेचे कामकाज ११.०९ वाजता दुपारी २ वाजेपर्यंत तहकूब करण्यात आले. दुसरीकडे, १४ निलंबित विरोधी खासदारांनी (१३ लोकसभा आणि १ राज्यसभा) शुक्रवारी सभागृहाबाहेर गांधी पुतळ्यासमोर निदर्शने केली. दोन्ही सभागृहात विरोधकांचा आवाज दाबला जात असल्याचे ते म्हणाले.
सोनिया गांधी यांनी खासदारांची भेट घेतली. जदयू खासदार लालन सिंह यांनी १४ डिसेंबर रोजी म्हटले होते. संसदेत प्रवेश करणारे मुस्लिम असते तर या लोकांनी (भाजप) देशात आणि जगात वादळ निर्माण केले असते. त्यांच्या नावाने या लोकांनी देशात उन्माद निर्माण केला असता. काँग्रेस खासदाराच्या शिफारशीवर आलेल्या व्हिजिटर्सनी हे कृत्य केले असते तर त्यांची मनोवृत्ती काय असती हे पाहिले असते. संसदेच्या सुरक्षेबाबत गुरूवारी १४ डिसेंबर रोजी दिवसभर सभागृहात गदारोळ झाला. लोकसभा आणि राज्यसभेतील १४ विरोधी खासदारांना संपूर्ण अधिवेशनासाठी निलंबित करण्यात आले. काँग्रेसचे ९, सीपीआय (एम) २, डीएमके आणि सीपीआयचे प्रत्येकी एक असे एकूण १३ लोकसभा खासदार आहेत. टीएमसीचे राज्यसभेतील खासदार डेरेक ओब्रायन यांना संपूर्ण अधिवेशनासाठी निलंबित करण्यात आले.
