मुंबई : वृत्तसंस्था
उर्वशी रौतेलाने तिच्या सौंदर्य नि हटक्या स्टाईलने चाहत्यांना घायाळ केले आहे. मनोरंजन विश्वातील वेगवेगळ्या चर्चेमध्ये देखील उर्वशी ही नेहमीच चर्चेत असल्याचे दिसून आले आहे.नुुकताच उर्वशीचा बर्थ डे सेलिब्रेट करण्यात आला. यावेळी तिच्या बर्थ डे ला चक्क गोल्डन केक कापण्यात आला. ज्याची किंमत तब्बल तीन कोटी रुपये असल्याचे बोलले जात आहे.
दरम्यान, उर्वशी आणि रॅपर यो यो हानी सिंहचा तो फोटो व्हायरल झाला आणि नेटक-यांच्या चर्चेला उधाण आले आहे. उर्वशी आणि हनी सिंह हे त्यांच्या आगामी एका म्युझिक व्हिडिओसाठी एकत्र आले आहेत. त्यानिमित्ताने गोल्डन केकचे व्हायरल झालेल्या फोटोंवरुन वेगवेगळ्या चर्चांना उधाण आले आहे. उर्वशीने काल (२५ फेब्रुवारी) रोजी तिचा ३० जन्मदिन साजरा केला.
सुत्रांनी दिलेल्या माहितीनुसार असे म्हटले जात आहे की, उर्वशीच्या बर्थ डे च्या निमित्ताने खास २४ कॅरेट गोल्ड पासून गोल्डन केक तयार करण्यात आला आहे. त्या केकच्या किंमतीवरुन सोशल मीडियावर चर्चेला उधाण आले आहे. असे म्हटले जात आहे की, तो केक यो यो हनी सिंहने उर्वशीला गिफ्ट केला आहे.
हनी सिंहने असा दावा केला आहे की तो केक तीन कोटी रुपयांचा आहे. दुसरीकडे नेटक-यांनी केवळ गोल्ड प्लेट लावून त्या केकची सजावट करण्यात आली असून प्रसिद्धीसाठी त्याची किंमत वाट्टेल तेवढी सांगितली जात असल्याचे म्हटले आहे.
