मुंबई : देशातील सर्वात मोठी सार्वजनिक क्षेत्रातील बँक स्टेट बँक ऑफ इंडियाने कोट्यवधी ग्राहकांना झटका दिला आहे. एसबीआयने आज १५ जुलैपासून कर्जाच्या दरात बदल केला आहे. एमसीएलआर हा असा दर आहे ज्यापेक्षा कमी दरानं बँक ग्राहकाला कर्ज देऊ शकत नाही. एसबीआय बँकेने एमसीएलआर दरात ०.१० टक्क्यांची वाढ केली आहे. एमसीएलआरचे नवे सुधारित दर आज, १५ जुलै २०२४ पासून लागू झाले आहेत.
आता एसबीआयचा बेस लेंंिडग रेट एमसीएलआर ८.१० ते ९ टक्के झाला आहे. ओव्हरनाईट एमसीएलआर दर आता ८.२० टक्के झाला आहे. एसबीआयनं एमसीएलआरमध्ये ०.०५ टक्के ते ०.१० टक्क्यांपर्यंत वाढ केली आहे. एमसीएलआरचा थेट परिणाम तुमच्या होम आणि कार लोनच्या ईएमआयवर होतो. एमसीएलआरचे दर वाढल्याने नवीन कर्जेही महाग होतात. तसेच तुमच्या होम आणि कार लोनचा ईएमआय वाढतो.
स्टेट बँकेने ओव्हरनाईट एमएलसीआर ८.१० टक्के कायम ठेवला आहे. तर एका महिन्याचा एमएलसीआर ८.३० टक्क्यांवरुन वाढवून ८.३५ टक्के करण्यात आलाय. याशिवाय तीन महिन्यांचा एमएलसीआर ८.३० टक्क्यांवरुन ८.४० टक्के, सहा महिन्यांचा एमएलसीआर ८.६५ टक्क्यांवरुन ८.७५ टक्के, एका वर्षाचा एमएलसीआर ०.१० टक्क्यांनी वाढवून ८.८५ टक्के करण्यात आलाय. तर दुसरीकडे दोन आणि तीन वर्षांच्या एमएलसीआरमध्येही बदल करण्यात आले असून तो अनुक्रमे ८.८५ टक्क्यांवरून ८.९५ टक्के आणि ८.९५ टक्क्यांवरून ९ टक्के इतका करण्यात आला आहे.
