पुणे : पुणे शहरातील चाकण-शिक्रापूर रोडवर अपघाताचा मोठा थरार घडला आहे. एका सुसाट कंटेनरने अनेक वाहनांना धडक दिली आहे. या घटनेत २५ जणांना कंटेनरने उडवले आहे. त्यामध्ये एक जणाचा मृत्यू झाला आहे. तसेच अनेक जण जखमी आहेत. अपघातानंतर जमाव संतप्त झाला. त्यांनी कंटेनरवर चढून चालकाला बेदम मारहाण केली. या प्रकरणी गुन्हा दाखल करण्याची प्रक्रिया सुरू आहे.
चाकण-शिक्रापूर रोडवर गुरुवारी मोठा अपघात झाला. चाकणकडून शिक्रापूरच्या दिशेने कंटेनर सुसाट निघाले. यावेळी रस्त्यात येणा-या सर्व वाहनांना धडक देत पुढे जाऊ लागले. चाकण- शिक्रापूर रोडवर सुरू असलेल्या या थराराची माहिती नागरिकांनी पोलिसांना दिली. त्यानंतर पोलिसांनी कंटेनरचा पाठलाग सुरू केला. पाठलाग करतानाचा थरार कॅमे-यात काही वाहनधारकांनी कैद केला. तो व्हीडीओ चांगलाच व्हायरल झाला आहे.
एका मुलीचा पाय कापला
शेलपिंपळगाव येथे या गाडीने एक मोठा ट्रक व कारला उडवले. यात दुस-या ट्रकखाली कार घुसली. या कंटेनरने चाकण येथे एका मुलीला धडक दिली. त्यात तिचा पाय शरीरावेगळा झाला. त्यामध्ये एक जणाचा मृत्यू झाला आहे. अनेक जण जखमी आहेत. जखमींना रुग्णालयात नेण्यात आले आहे.
