मुंबई : महाराष्ट्रात सध्या प्रचारसभा, कार्यकर्त्यांची लगबग अशी धामधूम सुरू आहे. या धामधुमीत धारावीत काँग्रेसच्या प्रचार रॅलीतील फटाक्यांची आतषबाजी ही एका चिमुरड्याच्या जीवावर बेतली आहे. या दुर्घटनेत ९ वर्षाचा चिमुकला गंभीर जखमी झाला आहे. सध्या त्याच्यावर रुग्णायात उपचार सुरू आहेत.
काँग्रेसच्या उमेदवार ज्योती गायकवाड यांच्या प्रचारासाठी रेवंत रेड्डी धारावीत आले होते. यावेळी करण्यात आलेल्या आतिषबाजीत लहान मुलाच्या डोळ्याला आणि चेह-याला फटाक्यांच्या स्फोटामुळे गंभीर जखमा झाल्या. जखमी मुलावर सायन रुग्णालयात उपचार सुरू आहेत.
मुंबईतील धारावीमध्ये ही दुर्घटना घडली. काँग्रेसच्या उमेदवार ज्योती गायकवाड यांच्या निवडणूक प्रचारादरम्यान रॅली चालू असताना ही घटना घडली. फटाक्याच्या आतिषबाजीत चिमुकला जखमी झाला आहे. सुदैवाने कोणतीही जीवितहानी झालेली नाही. इतर कार्यकर्त्यांना कोणतीही दुखापत झालेली नाही.
