सोलापूर : होटगी रोड स्थित डॉ. असदुल्लाह खान इंग्लिश मिडीयम स्कूलचा वार्षिक सांस्कृतिक महोत्सव ‘आसमान और भी है’चा भव्य सोहळा हुतात्मा स्मृती मंदिर येथे उत्साहात पार पडला. विद्यार्थ्यांनी विविध कलागुण सादर करत उपस्थितांचे मन जिंकले.
कार्यक्रमात सामाजिक विषयांवरील नाट्यप्रयोग, देशभक्तीपर नृत्याविष्कार, आणि पिरॅमिड सादरीकरणाच्या माध्यमातून विद्यार्थ्यांनी आपली प्रतिभा दाखवली. या महोत्सवात सोलापूरच्या विविध क्षेत्रातील उल्लेखनीय कार्य केलेल्या मान्यवरांना विशेष पुरस्कारांनी सन्मानित करण्यात आले. यात अय्यूबनल्लामांदू, डॉ. अमजद सय्यद, डॉ. फहीम गोलेवाले, पीआय रईसा शेख, रोटी बँक सोलापूर, जमीयत उलेमा ए हिंद सोलापूर, अ‍ॅड. रियाझ शेख आणि नियामत पटेल यांना युनिक लाईफटाईम अचिव्हमेंट आणि युनिक अचीव्हर्स अवार्ड ने गौरविण्यात आले.
कार्यक्रमाला खासदार प्रणिती शिंदे, अल्पसंख्याक आयोगाचे सदस्य वसीम बुरहान, डॉ. शफी चोपदार, सह शहरातील सामाजिक, शैक्षणिक क्षेत्रातील मान्यवर तसेच संस्थापक डॉ. असदुल्लाह खान, झियाउल्लाह खान, ट्रस्टी, प्राचार्य सादुल्लाह खान, इबादुल्लाह खान, प्राचार्य साकिब सय्यद, आणि सीईओ आफताब मुल्ला हे उपस्थित होते. विद्यार्थ्यांच्या सादरीकरणाला पालक आणि शिक्षकांनी मोठ्या संख्येने उपस्थित राहून प्रोत्साहन दिले. हा सांस्कृतिक महोत्सव विद्यार्थी, पालक, आणि शिक्षकांसाठी संस्मरणीय ठरला आहे.
