27.6 C
Latur
Monday, May 27, 2024
Homeमनोरंजन‘वीर-जारा’ पाहून करणला झाली यश चोप्राचीं आठवण

‘वीर-जारा’ पाहून करणला झाली यश चोप्राचीं आठवण

मुंबई : अलीकडेच एका आयपीएल सामन्यात शाहरुख आणि प्रिती झिंटाच्या उपस्थितीने लोकांना वीर-जाराची आठवण करून दिली. त्याचवेळी, आता निमार्ता करण जोहरच्या एका पोस्टने लोकांना चित्रपटाचे दिग्दर्शक यश चोप्रा यांची आठवण करून दिली आहे. अलीकडेच, शाहरुख खान आणि प्रिती झिंटा स्टारर चित्रपट पुन्हा पाहताना, करण जोहर भावूक झाला आणि त्याने इंस्टाग्रामवर एक पोस्ट शेअर केली, जी तुमच्या हृदयाला स्पर्श करेल.

उल्लेखनीय आहे की १९९८ मध्ये करण जोहरने पहिला चित्रपट ‘कुछ कुछ होता है’ बनवला होता. या चित्रपटासाठी त्यांना सर्वोत्कृष्ट लेखक आणि दिग्दर्शक म्हणून अनेक पुरस्कारही मिळाले होते. यानंतर त्यांनी कभी खुशी कभी गम आणि त्यानंतर २००३ मध्ये कल हो ना हो हा चित्रपट बणवला चित्रपट दिग्दर्शित करण्याव्यतिरिक्त, यश चोप्राच्या चित्रपटातील कॉस्च्युम डिझाइन करणे हा करण जोहरच्या आयुष्यातील एक खास क्षण आहे.

वास्तविक, प्रसिद्ध डिझायनर मनीष मल्होत्रा ​​यांनी वीर-झारामधील कलाकारांचे पोशाख डिझाइन केले होते, परंतु चित्रपटाचा मुख्य अभिनेता शाहरुख खानचे कपडे करण जोहरने डिझाइन केले होते. अलीकडेच, जेव्हा करण जोहर हा प्रचंड लोकप्रिय रोमँटिक ड्रामा चित्रपट पाहत होता, तेव्हा शाहरुखच्या कपड्यांचे डिझाइन करण्यासाठी चित्रपटाच्या क्रेडिट्समध्ये त्याचे नाव पाहून तो भावूक झाला.क्रेडिट्सचा स्क्रीनग्राब शेअर करताना करण जोहरने लिहिले की, आज मी वीर-झारा पाहत होतो आणि मला यश अंकलची खूप आठवण येत होती. यश चोप्राच्या चित्रपटात शाहरुखचा कॉस्च्युम डिझायनर म्हणून स्वत:ला श्रेय दिल्याने मला खूप आनंद झाला.असे करण म्हणाला. २००४ साली प्रदर्शित झालेला यश चोप्राचा हा चित्रपट प्रेक्षकांना खूप आवडला होता. वीर-झारा चित्रपटात शाहरुख खान वीर प्रताप सिंगच्या भूमिकेत दिसला होता तर प्रीती झिंटा जारा हयात खानच्या भूमिकेत दिसली होती.

Related Articles

आणखीन बातम्या

मनोरंजन

MOST POPULAR