24.1 C
Latur
Monday, June 24, 2024
Homeअंतरराष्ट्रीयलाइ चिंग ते यांनी घेतली तैवानच्या राष्ट्राध्यक्षपदाची शपथ

लाइ चिंग ते यांनी घेतली तैवानच्या राष्ट्राध्यक्षपदाची शपथ

तैपेई : तैवानला आता नवा राष्ट्राध्यक्ष मिळाला आहे. चीनचे कट्टर विरोधक असलेले तैवानचे नेते लाइ चिंग ते यांनी आज तैवानचे नवे अध्यक्ष म्हणून शपथ घेतली. लाय चिंग ते यांनी पदभार स्वीकारल्यानंतर पहिल्याच भाषणात राष्ट्राध्यक्षांनी चीनने तैवानला धमकावणे बंद करावे, असा इशारा चीनला दिला आहे. तैवान आपला हिस्सा असल्याचा दावा चीन अनेक वर्षापासून करत असून, तैवानला चीनमध्ये विलीन करण्याची धमकी देत ​​आहे. यासोबतच चीनची लढाऊ विमाने आणि युद्धनौका अनेकदा तैवानवर त्याच्या हवाई क्षेत्र आणि सागरी सीमेजवळ दबाव आणतात.

दरम्यान, आता तैवानच्या नव्या राष्ट्राध्यक्षांनी चीनला या कारवाया रोखण्याचा सल्ला दिला आहे. लाइ चिंग ते हे असे नेते आहेत ज्यांच्या नेतृत्वाखाली तैवानने चीनविरूद्धचे संरक्षण मजबूत करत राहील आणि लोकशाहीच्या स्वातंत्र्याचे धोरण कायम ठेवेल.चीनने अनेक वेळा तैवानवर आपला दावा केला आहे आणि गरज पडल्यास बळजबरीने त्यावर ताबा करण्यात घेईल असेही म्हटले आहे. लाइ यांच्या शपथविधीनंतर तैवानच्या अनेक नेत्यांनी आणि तैवानशी राजनैतिक संबंध असलेल्या १२ देशांतील शिष्टमंडळांनी तसेच युनायटेड स्टेट्स, जपान आणि विविध युरोपीय देशांच्या नेत्यांनी त्यांचे अभिनंदन केले. लाय यांनी दक्षिणेकडील ताइनान शहराचे महापौर म्हणून राजकारणात प्रवेश केला होता, त्यानंतर ते उपाध्यक्ष आणि आज राष्ट्राध्यक्ष बनले आहेत.

तैवान आणि अमेरिकेचे आहेत चांगले संबंध

दरम्यान चीनचे आणि तैवानचे संबंध ताणले असले तरी तैवान आणि अमेरिकेचे अनेक राजकीय धोरणात्मक चांगले संबंध आहेत. त्यामुळे अमेरिकेशी आलेले संबंध आणखी दृढ करण्यासाठी माजी राष्ट्राध्यक्षाचे साई इंग वेन यांचे प्रयत्न नवे राष्ट्राध्यक्ष लाइ चिंग ते हे पुढे नेतील. अमेरिका तैवानला एक देश म्हणून औपचारिकपणे मान्यता देत नाही, परंतु तैवानला स्वत:चे रक्षण करण्यासाठी लागणारे सर्व उपकरणे पुरवण्यासाठी कायद्याने बांधील आहे.

Related Articles

आणखीन बातम्या

मनोरंजन

MOST POPULAR