न्यूयॉर्क : जगभरातील संगणक आणि लॅपटॉप सध्या ब्लू स्क्रीन ऑफ डेथला (बीएसओडी) बळी पडत आहेत. प्रसिद्ध सायबर सुरक्षा कंपनी क्राउड स्ट्राईकने एक अपडेट सांगितली, ज्यानंतर एमएस विंडोज वर चालणारे सर्व संगणक आणि लॅपटॉप अचानक क्रॅश होत आहेत.
काम करत असताना लॅपटॉप अचानक बंद होत आहेत आणि त्यानंतर यूजर्सना निळा स्क्रीन दिसत आहे. स्क्रीनवर सांगितले जात आहे की तुमचा संगणक अडचणीत आहे आणि रीस्टार्ट करणे आवश्यक आहे. या प्रक्रियेलाच ब्लू स्क्रीन ऑफ डेथ (बीएसओडी) म्हटले जात आहे. या समस्येमुळे जगभरातील मायक्रोसॉफ्ट विंडोजवर चालणारे लॅपटॉप आणि संगणक प्रभावित झाले आहेत. क्राउड स्ट्राईकने या प्रकरणाची दखल घेत समस्येची चौकशी सुरू केली आहे. क्राउड स्ट्राईकच्या प्रतिनिधीने एक विधान जारी केले आहे की विंडोज चालवणा-या मशीनवर बीएसओडी समस्या निर्माण झाली आहे. जर तुम्हाला तुमच्या कॉम्प्युटर किंवा लॅपटॉपमध्ये ब्लू स्क्रीन ऑफ डेथ (बीएसओडी) ची समस्या येत असेल तर तुम्ही काही गोष्टी लक्षात ठेवाव्यात. लक्षात ठेवा की कोणत्याही परिस्थितीत आपण स्वत:हून या समस्येचे निराकरण करण्याचा प्रयत्न करू नये. तांत्रिक सूचना येण्याची वाट पहा. क्राउड स्ट्राईकसध्या या समस्येचे निराकरण करण्यासाठी काम करत आहे आणि लवकरच तुम्हाला अपडेट करेल.
जगभरात समस्या निर्माण
शुक्रवारी सकाळी क्लाउड सेवा विस्कळीत झाल्यामुळे जगभरातील अनेक भागात समस्या निर्माण झाल्या आहेत. त्यामुळे विमान कंपन्यांच्या उड्डाणांवर परिणाम झाला आहे. यामुळे भारत आणि अमेरिकेसह अनेक देशांतील विमानांच्या उड्डाणांवर परिणाम झाला आहे.
तक्रारींची त्सुनामी
अनेक युजर्स याबाबत तक्रार करत आहेत. या समस्येमुळे लाखो युजर्सवर मोठा परिणाम झाला आहे. बरेच युजर्स तक्रार करत आहेत की त्यांची सिस्टम एकतर बंद झाली आहे किंवा त्यांना ब्लू स्क्रीन समस्येचा सामना करावा लागत आहे. मोठ्या बँका, आंतरराष्ट्रीय विमान कंपन्या, जीमेल, अ‍ॅमेझॉन आणि इतर आपत्कालीन सेवांवर त्याचा परिणाम होत आहे.
