37.7 C
Latur
Tuesday, May 21, 2024
Homeराष्ट्रीयकाँग्रेसच्या ४३ उमेदवारांची दुसरी यादी जाहीर

काँग्रेसच्या ४३ उमेदवारांची दुसरी यादी जाहीर

नवी दिल्ली : आगामी लोकसभा निवडणुकीच्या पार्श्वभूमीवर काँग्रेसने आपल्या उमेदवारांची दुसरी यादी जाहीर केली आहे. यत आसाम, गुजरात, मध्य प्रदेश, उत्तराखंड, राजस्थान आणि दमण दीवमधील ४३ उमेदवारांची घोषणा करण्यात आली आहे. मध्य प्रदेशातील हायप्रोफाईल जागा मानल्या जाणा-या छिंदवाडा मतदारसंघातून माजी मुख्यमंत्री कमलनाथ यांचे पुत्र नकुलनाथ यांना तिकीट दिले आहे. तर, राजस्थानचे माजी मुख्यमंत्री अशोक गेहलोत यांचे पुत्र वैभव गेहलोत यांना जालोर मतदारसंघातून उमेदवारी दिली आहे.

राजस्थानमधील लोकसभेच्या २५ पैकी १० जागांसाठी उमेदवार जाहीर केले आहेत. त्यात जालोरमधून वैभव गेहलोत, बिकानेरमधून गोंिवद मेघवाल, चुरुमधून राहुल कासवा, झुंझुनूमधून बृजेंद्र ओला, अलवरमधून ललित यादव, भरतपूरमधून संजना जाटव, टोंकमधून हरीश मीना, जोधपूरमधून करणंिसग उचियाराडा, उदयपूरमधून ताराचंद मीना आणि चित्तौडमधून उदयलाल अंजाना यांना उमेदवारी दिली आहे.

मध्य प्रदेशातील ज्या १० जागांसाठी उमेदवार जाहीर करण्यात आले आहेत त्यामध्ये छिंदवाडामधून नकुलनाथ, भिंडमधून फूलसिंग बरैया, टिकमगडमधून पंकच अहिरवार, सतनामधून सिद्धार्थ कुशवाह, सिधीमधून कमलेश्वर पटेल, मंडलामधून ओंकार सिंग मरकाम, देवासमधून राजेंद्र मालवीय, धारमधून राधेश्याम मुवेल, खरगोनमधून पोरलाल खर्ते, बैतूलमधून रामू टेकाम यांना तिकीट मिळाले आहे. काँग्रेसने आसाममधील लोकसभेच्या १२ जागांसाठी आपले उमेदवार जाहीर केले आहेत.

कोक्राझारमधून गर्जन मश्रे, धुबरीतून रकीबुल हसन, बारपेटामधून दीप बयान, दारा उदलगुरीमधून माधब राजवंशी, गुवाहाटीमधून मीरा बोरठाकूर गोस्वामी, दिपूमधून जयराम आंगलोंग, करीमगंजमधून हाफिज रशीद अहम चौधरी, सुराज्यातून सिलसिलेवार, नागावमधून बोरदोलोई, काझीरंगातून रोसेलिना टिर्के, सोनितपूरमधून प्रेमलाल गंजू आणि जोरहाटमधून गौरव गोगोई यांना उमेदवारी जाहीर झाली आहे. उत्तराखंडमधील चार जागांवर काँग्रेसने आपले उमेदवार घोषित केले आहेत. टिहरी गढवालमधून जोतंिसग गुंटसोला, गढवालमधून गणेश गोदियाल आणि अल्मोडामधून प्रदीप टमटा यांचा समावेश आहे. तर दमण आणि दीवमध्ये केतन दह्याभाई पटेल यांना तिकीट देण्यात आले आहे.

काँग्रेसने जाहीर केलेल्या दुस-या यादीत गुजरातमधील २६ पैकी ७ जागांसाठी उमेदवार घोषित केले आहेत. पक्षाने कच्छमधून नितीश भाई लालन, बनस्कांठामधून गेनीबेन ठाकोर, अहमदाबाद पूर्वमधून रोहन गुप्ता, अहमदाबाद पश्चिममधून भरत मकवाना, पोरबंदरमधून ललित भाई वसोया, बारडोलीमधून सिद्धार्थ चौधरी, वलसाडमधून अनंत भाई पटेल यांना उमेदवारी दिली आहे. काँग्रेसने या यादीत ७ जनरल, १३ ओबीसी, १० एससी, ९ एसटी आणि एका मुस्लिम उमेदवाराला तिकीट दिले आहे.

Related Articles

आणखीन बातम्या

मनोरंजन

MOST POPULAR