पुणे : एका खासदाराला निवडून आणण्यासाठी मी आणि वळसे पाटलांनी प्रयत्न केला, नाव न घेता उपमुख्यमंत्री अजित पवार यांनी अमोल कोल्हे यांच्यावर टीका केली आहे. तर त्यांच्याविरोधात दिलेला उमेदवार निवडून आणणारच असं म्हणत अजित पवारांनी थेट दंडही थोपटले आहेत. तसेच, शिरुर लोकसभा मतदारसंघाचेखासदार अमोल कोल्हेंवर उपमुख्यमंत्री अजित पवार यांनी नाव न घेता टीका केली आहे. एका खासदाराला निवडून आणण्यासाठी मी आणि दिलीप वळसे पाटलांनी जीवाचे रान केले. तसेच आता आम्ही त्यांच्याविरोधात उमेदवार दिला तर आम्ही तो उमेदवार निवडून आणणारच, असंही अजित पवार म्हणाले आहेत.
ज्यांना माझ्यासोबत यायचे आहे, त्यांनी माझ्यासोबतच यावे, ज्यांना दुस-या बाजुला जायचे आहे, त्यांनी तिकडे जावे, माझ्या बाजूनं म्हणजे काय हुकुमशाही आहे का? ज्यांनी माझी बाजू घेतली, त्यांनी दुटप्पी भूमिका घेऊ नका, मेहरबानी करा, खरे जे बोलतो तेच सांगा., असे अजित पवार म्हणाले. अनेक कार्यकर्ते अजुनही दोन्ही बाजूंनी दिसतात, असे विचारताच अजित पवार म्हणाले की, असू द्यात ना, मी सांगायचे काम केले आहे, बघु काय फरक दिसतोय का? माझ्या दृष्टीने जे योग्य वाटते, ती भूमिका घेण्याची मला मुभा आहे, मला इतरांनी टोकण्याचे कारण नाही.
एका खासदाराने जर आपल्या मतदारसंघात लक्ष दिले असते, तर खूप बरे झाले असते. एक खासदार एक ते दीड वर्षापूर्वी मला राजीनामा द्यायचा आहे. त्या खासदाराला उमेदवारी मी दिली आहे. त्या खासदाराला निवडणून आणण्यासाठी जीवाचे रान मी आणि दिलीप वळसे पाटलांनी केले आहे.
त्यांना खासगीत असे बोलवा, समोरा समोर. आता त्यांचे चाललेय सगळे. पण, त्यांचे मधल्या काळात मतदारसंघात लक्ष नव्हते, ते मतदारसंघात फिरत नव्हते, त्यांनी पूर्णपणे मला आणि त्यावेळचे माझे जे वरिष्ठ आहेत, त्यांनाही सांगितलेले मी राजीनामा देतोय, मी एक कलावंत आहे, माझ्या सिनेमावर परिणाम होऊ लागला आहे, मी काढलेला एक सिनेमा शिवरायांवर असला तरी, तो चालला नाही. माझ्या एकंदरीत प्रपंचावर, आर्थिक गोष्टींवर परिणाम होतोय, अशाही गोष्टी त्यांनी येऊन सांगितलेल्या. असं अजित पवार म्हणाले.
अमोल कोल्हेंविरोधातील उमेदवार निवडून आणणारच
उमेदवारी देत असताना योग्य पद्धतीनं उमेदवारी दिलेली होती. ते वक्ते उत्तम आहेत, वत्कृत्त्व चांगलं आहे, उत्तम कलाकार आहेत, संभाजी महाराजांची भूमिका उत्तम साकारली होती. महाराष्ट्रातील जनतेला त्यांच्या भूमिकेनं खिळवून ठेवण्याचे काम त्यांनी केलेलं. पण काळजी करू नका, त्यांच्याविरोधात दिलेला उमेदवार, मी आज तुला सांगतो की, निवडून आणून दाखवेल. असं अजित पवार म्हणाले.
