लातूर : प्रतिनिधी
अर्चनाताई पाटील चाकुरकर यांनी दि. २९ ऑक्टोबर रोजी भाजपा महायुतीकडून लातूर शहर विधानसभा मतदारसंघासाठी उमेदवारी अर्ज दाखल केला. परंतु, त्यांच्या उमेदवारी अर्जात काही त्रुटी आढळून आल्याने दि. ३० ऑक्टोबर रोजी निवडणुक विभागाने त्यांना नोटीस बजावली. नोटीस बजावताच त्यांनी सकाळी ११ वाजेपर्यंत त्या त्रुटींची पुर्तता केली.
अर्चनाताई पाटील चाकुरकर यांच्या उमेदवारी अर्जात काही त्रुटी आढळून आल्याने त्रुटींची पुर्तता करण्याबाबत त्यांना निवडणुक विभागाने त्यांना नोटीस बजावली. नोटीस मिळाल्यानंतर अर्चनाताई पाटील यांनी बुधवारी सकाळी ११ वाजेपर्यंत त्रुटींची पुर्तता केली. अर्चनाताई पाटील यांच्या उमेदवारी अर्जातील काही कॉलमस्मध्ये त्रुटी होत्या. त्यामुळे निवडणुक विभागाने त्यांना नोटीस बजावली होती. नोटीस मिळाल्यानंतर त्यांनी त्रुटींची पूर्तता केली आहे, अशी माहिती लातूर शहर विधानसभा मतदारसंघाच्या निवडणुक निर्णय अधिकारी तथा उपविभागीय अधिकारी रोहिणी न-हे यांनी दिली.
