निलंगा : प्रतिनिधी तालुक्यातील औराद शाहजानीसह परिसरातील गावात गत तीन दिवसांपासून संततधार पावसाची जोरदार हजेरी आहे. यामुळे परिसरातील नदी, नाले, तुंडूब झाले असून दरम्यान मांजरा-तेरणा नदीच्या संगमावर महाराष्ट्र-कर्नाटक सीमेवरील दोन्ही पुल पाण्याखाली गेले आहेत.
निलंगा तालुक्यातील औराद शहाजानीसह परिसरात शनिवारी दुपारपासून संततधार पाऊस सुरु आहे. गेले तीन दिवस झालेल्या पावसामुळे या भागातून वाहणा-या मांजरा व तेरणा नद्या भरुन वाहत आहे. बंधा-याची दारे उघडून पाण्याचा विसर्ग मोठ्या प्रमाणात नदीपात्रात सोडल्याने संगमावर पुरस्थिती निर्माण झाली आहे. नदीकाठच्या सखल भागामध्ये पुराचे पाणी शिरल्याने पिकांचे नुकसान झाले आहे. यातच औराद-वाजंरखेडा व औराद-तुगाव पुल पाण्याखाली गेले आहेत नदी पलिकडील गावांचा संपर्क तुटला आहे. पुराचे पाणी शेतक-यांच्या जमिनीत घुसल्याने संगमाजवळील शेतकरी शिवपुत्र आग्रे, ंिदगबर माने, रामदास खरटमोल, नाईकवाडे या शेतक-यांची सोळा जनावरे शेतात अडकली होती. त्यांना बाहेर काढण्यासाठी मोतीराम भुई, रामंिसग भुई, गंगाराम भुई यासह परिसरातील शेतक-यांनी पाण्याच्या प्रवाहात ट्युबच्या सहायाने जाऊन बाहेर काढले. दरम्यान, औराद शहाजानी येथे संततधार पावसामुळे काही जुन्या घरांची पडझड झाली आहे. यात बलभीम कोंडिबा सुर्यवंशी यांची घराची भिंत पडली आहे.
