मुंबई : प्रतिनिधी
मुंबईतील अंधेरीतील वीरा देसाई रोडवरील एका इमारतीच्या सहाव्या मजल्यावर भीषण आग लागली. सकाळी ही आगीची घटना घडली. अग्निशमन दलाच्या चार गाड्या घटनास्थळी दाखल झाल्या असून आग विझविण्याचे प्रयत्न सुरू आहेत. रहिवाशांना सुरक्षित बाहेर काढण्यात आले असून जीवितहानी झालेली नाही.
दरम्यान, नुकतीच एक आगीची घटना पुढे येताना दिसतेय. ही आग मुंबई येथील अंधेरी भागात एका इमारतीमध्ये लागल्याचे कळतेय. वीरा देसाई रोडवरील ही इमारत असून मोठी आग लागल्याची माहिती आहे.
इमारतीमध्ये सहाव्या मजल्यावर ही आग लागल्याची माहिती मिळतेय. ही आग अत्यंत मोठी असून आगीचे लोळ दिसत आहेत. आगीच्या घटनेनंतर मोठी खळबळ परिसरात पसरल्याचे बघायला मिळतंय. आता या आगीच्या घटनेचे काही व्हीडीओ आणि फोटो व्हायरल होताना दिसत आहेत. या इमारतीमध्ये मोठ्या संख्येने रहिवासी राहतात, असेही सांगितले जात आहे. आगीत कोणतीही जीवितहानी झाली नसल्याचे पुढे येतेय. मात्र, या आगीमध्ये फ्लॅट जळून खाक झाल्याचेही सांगितले जात आहे. या आगीच्या घटनेत मोठे नुकसान झाल्याचे कळतेय.
