लातूर : प्रतिनिधी
नांदेड परिक्षेत्राचे पोलीस उपमहानिरीक्षकांच्या पथकांच्या पथकाने लातूर जिल्हयातील अहमदपुरात भाजी मार्केट परिसरात व बसस्थानकाचे बाजूस असणा-या शेडमध्ये मटका अड्डयांवर छापा टाकून रोख ३१ हजार ७०० रूपये व ३२ हजार रूपयांचे चार मोबाईल असा ६३ हजार ७०० रूपयांचा मुद्देमाल जप्त करण्यात आला आहे.
नांदेड परिक्षेत्रातील अवैध व्यवसायांना पायबंद घालण्यासाठी पोलीस उप महानिरीक्षक शहाजी उमाप यांनी लातूर जिल्हयात पोलीस पथकाची रवानगी केली होती. सदर पथकाने दि. ३ जून रोजी, लातूर जिल्हयातील अहमदपुरात भाजी मार्केट परिसरातील भारत फ्रुट कंपनीच्या बाजूस असणा-या मटका बुकीवर कारवाई करत १७ हजार ८९० रुपयांची रोकड व १४ हजार रुपयांचे दोन मोबाईल जप्त केले असून, नमूद प्रकरणात एकूण ३ आरोपीतांना ताब्यात घेवून, त्यांचेविरुध्द अहमदपुर पोलीस ठाणे येथे गुरनं ३७५/२०२६ कलम १२ (अ) महाराष्ट्र जुगार कायदा अन्वये गुन्हा नोंदविण्यात आला आहे.
त्याचप्रमाणे, अहमदपुर मधील बसस्थानकाचे बाजूस असणा-या शेडमध्ये, तितली भवरा नावाचा जुगार चालू असलेल्या मटका बुकीवर कारवाई करत, १३ हजार ८१० रुपयांची रोकड व १८ हजार रुपयांचे २ मोबाईल जप्त केले असून, नमूद प्रकरणात एकूण ४ आरोपीतांना ताब्यात घेवून, त्यांचेविरुध्द अहमदपुर पोलीस ठाणे येथे गुरनं ३७६/२०२६ कलम ४, ५ महाराष्ट्र जुगार कायदा अन्वये गुन्हा नोंदविण्यात आला आहे. सदर कारवाईत पोलीस उपनिरीक्षक पंकज इंगळे यांचेसह पोहेकॉ प्रदिप खानसोळे, पोहेकॉ संजीव जिंकलवाड, पोकॉ गणेश धुमाळ व पोकॉ कामाजी गवळी यांनी सहभाग घेतला. पथकाच्या उल्लेखनीय कामगिरीबाबत पोलीस उप महानिरीक्षक शहाजी उमाप यांनी पथकातील अधिकारी व अंमलदारांचे कौतुक केले आहे.
………………..९……………………..
