26.6 C
Latur
Sunday, February 9, 2025
Homeमहाराष्ट्रपुलावरून बस कोसळली; ३५ जखमी

पुलावरून बस कोसळली; ३५ जखमी

सांगली : प्रतिनिधी
पुणे-बंगळुरू राष्ट्रीय महामार्गावर सोमवारी सकाळी तांदुळवाडी (ता.वाळवा) नजीक बस पुलावरून खाली कोसळून झालेल्या अपघातात चालकासह ३५ जण जखमी झाले.

जखमींना कोल्हापूर, कराड आणि इस्लामपूरमधील रुग्णालयात उपचारासाठी दाखल करण्यात आले आहे.
दहिवडी आगाराची दहिवडी ते जोतिबा ही एसटी बस जोतिबाकडे निघाली होती.

वाटेत पुणे-बंगळुरू राष्ट्रीय महामार्गावर तांदुळवाडीनजीक गुरव पुलाजवळ पुलावरून कठडा तोडून बस ओढा पात्रात कोसळली. यामुळे गाडीतील ३५ प्रवासी जखमी झाले असल्याची माहिती स्थानिक ग्रामस्थांतून मिळाली. स्थानिक ग्रामस्थांनी जखमींना कोल्हापूर येथील सीपीआर, कराडच्या कृष्णा हॉस्पिटल व इस्लामपुरातील प्रकाश मेमोरियल हॉस्पिटल येथे उपचारासाठी दाखल केले. कुरळप पोलिस ठाण्याचे पोलिस अपघाताची माहिती घेत आहेत.

Related Articles

आणखीन बातम्या

मनोरंजन

MOST POPULAR