बीड : प्रतिनिधी
बीड जिल्ह्यातील माजलगाव येथे किटी आडगाव ग्रामपंचायत सदस्य बाबासाहेब आगे यांची हत्या झाल्याने खळबळ उडाली आहे. बाबासाहेब आगे यांनीही ब-याचदा मला मारहाण करताना मध्यस्थी केली आहे. ही हत्या त्याने संशयातूनच केली, माझे आणि बाबासाहेब आगेचे काहीच नव्हते, तो माझ्या भावासारखा होता, असे आरोपी नारायण फफाळच्या पत्नीने सांगितले.
दरम्यान, बीड येथे ग्रामपंचायत सदस्य बाबासाहेब आगेच्या हत्येनंतर मोठी खळबळ निर्माण झाल्याचे बघायला मिळत आहे. किती क्रूरपणे आरोपी नारायण फफाळ बाबासाहेब आगेंना मारत आहे, हे व्हायरल व्हीडीओमध्ये स्पष्ट दिसत आहे. त्यानंतर आरोपीने थेट पोलिस स्टेशन गाठले.
या घटनेचा व्हीडीओ व्हायरल झाला आहे. आरोपी नारायण फफाळने पोलिसांत गुन्हा कबूल केला असून, संशयातून खून केल्याचे समोर येताना दिसत आहे. आता आरोपीच्या पत्नीने मोठे सत्य सांगितले आहे.
माजलगाव तालुक्यातील किटी आडगाव ग्रामपंचायतचे बाबासाहेब आगे सदस्य होते आणि ते भाजपाचे कार्यकर्ते देखील होते. आरोपीने बाळासाहेब आगे यांचा खून करून थेट पोलिस स्टेशन गाठले आणि खून केल्याचेही सांगितले. यानंतर पोलिसांनी आरोपी नारायण फफाळ याला ताब्यात घेतले.
आता आरोपी नारायण फफाळच्या पत्नीने मोठा खुलासा केला आहे. बाबासाहेब आगे याचा संशयातून खून झाल्याचा धक्कादायक प्रकार समोर आला आहे. नारायण फफाळच्या पत्नीने म्हटले की, माझा नवरा खूप जास्त संशयी होता. तो गावातल्या कोणासोबतही माझे नाव जोडत होता. त्याला दारूचे व्यसन होते. घरी येऊन तो मला मारहाण करत आणि शिव्या देत असे.
दोन मुलींच्या जन्मानंतर त्याचा संशय अधिक वाढला. फक्त बाबासाहेब आगेच नाही तर तो गावातील कोणत्याही माणसावरून माझ्यावर संशय घ्यायचा.
बाबासाहेब आगे माझ्या भावासारखा होता. माझे आणि त्यांचे बहीण-भावाचे नाते होते. मी फक्त माझ्या सासू-सास-यांमुळे इथे राहिले. त्यांना माझ्यावर विश्वास आहे आणि ते माझ्यासोबत आहेत. माझा नवरा दारू पिऊन घरी यायचा, मला मारहाण करायचा आणि आई-वडिलांनाही शिवीगाळ करायचा.
