ठाणे : ठाणे शहर मतदार संघातून विधानसभा निवडणूक ठाण्यातील मनसेचे अविनाश जाधव यांनी आज गुरुपुष्यामृत दिनी गुरुवार रोजी यांनी जिल्हाधिकारी उर्मिला पाटील यांच्याकडे आपला उमेदवारी अर्ज दाखल केला आहे. यावेळी त्यांच्यासोबत पक्षाध्यक्ष राज ठाकरे हे देखील उपस्थित होते.
आजचा दिवस हा गुरुपुष्यामृत योग असा महत्वाचा दिवस आहे. त्यामुळे या दिवशी आपला उमेदवारी अर्ज भरण्यास दिग्गजांनी सुरूवात केली आहे.
राजकीय पक्षांनी आपआपल्या उमेदवारांची नावे जाहीर केली असल्याने या महत्वपूर्ण मुहूर्तावर उमेदवारी अर्ज भरण्यासाठी अनेकजण सरसावले आहेत. उमेदवारी अर्ज दाखल करताना शक्तीप्रदर्शन करत प्रत्येकजण आपली ताकद दाखवण्याचा प्रयत्नात आहेत.
