लातूर : प्रतिनिधी
शहरातील संविधान चौकात एका चार चाकीतून आलेल्या अनोळखी पत्रकाराने अमिर पठाण या तरूणास तु काश्मिरहून आलास का पाकिस्तानचा आहेस म्हणून त्याला अवघड ठिकाणी मारहाण करून मारहाणीचे व्हीडोओ व्हायरल करण्याची धमकी दिल्याने सदरील तरूणाने राहत्या घरात आत्महत्या केल्याची घटना घडली होती. या प्रकरणी दाखल गुन्ह्यातील आरोपी निष्पन्न झाला असून त्याच्या व गुन्हतील चार चागी गाडीचा अजून तरी एमआयडीसी पोलीसांना सुगावा लागलेला नाही. एमआयडीसी पोलीसांकडून गुन्हा दाखल झाल्या दिवसापासून आरोपीचा व गुन्ह्यातील चार चाकी गाडीचा शोध सुरूच असल्याचे सांगण्यात येत आहे.
मागील आठवड्यात लातूरातील संविधान चौकात एका चार चाकीतून आलेल्या अनोळखी पत्रकाराने अमिर पठाण यास तु काश्मिरहून आलास का पाकिस्तानचा आहेस म्हणून त्याला अवघड ठिकाणी मारहाण करून मारहाणीचे व्हीडोओ व्हायरल करण्याची धमकी दिल्याने सदरील तरूणाने राहत्या घरात आत्महत्या केल्याची घटना या प्रकरणी मयताची पत्नी समरीन अमिर पठाण वय २९ वर्षे रा. खाजानगर खाडगावरोड लातूर यांनी दिलेल्या जबाबावरून एमआयडीसी पोलीसांनी एम.एच. २४ बीआर ७००८ या गाडीतून निघून गेलेल्या अनोळखी पत्रकारा विरोधात गुन्हा दाखल करून अधिक तपासास सुरूवात केली होती.
त्यानंतर एमआयडीसी पोलीसांनी तपासाची चक्रे अधिक वेगाने फिरवत या दाखल गुन्ह्यातील आरोपी निष्पन्न झाला असून लवकरच अटक केली जाईल असा दावा केला होता. पंरतु अजून तरी सदरील आरोपीचा व चार चाकी गाडीचा सुगावा पोलीसांना लागलेला नसून त्यांचाकडून आरोपीचा व गाडीचा शोध सुरूच असल्याचे सांगितले जात आहे. या गुन्ह्यातील आरोपीचा व गुन्ह्यात वापरण्यात आलेला चार चाकी गाडीचा एमआयडीसी पोलीसांनी लवकरात लवकर शोध घ्यावा व आरोपीला अटक करुण सदरिल गाडी जप्त करण्यात यावी अशी मयताच्या नातेवाईकांकडून केली जात आहे.
