धाराशिव : प्रतिनिधी
कळंब तालुक्यातील आंदोरा येथील एका हॉटेलसमोर उभारलेल्या व्यक्तींकडून गावठी कट्टा व दोन जिवंत काडतुसासह एकास स्थानिक गुन्हे शाखेच्या पोलिस पथकास जेरबंद केले आहे. ही कारवाई शुक्रवारी (दि.१२) करण्यात आली. त्यामुळे परिसरात एकाच खळबळ उडाली आहे.
याबाबत अधिक माहिती अशी की, शुक्रवारी (दि.१२) पोलीस अधिक्षक रितु खोखर, अपर पोलीस अधिक्षक सचिन पांडकर, यांच मार्गदर्शनाखाली व पोलीस निरीक्षक विनोद इज्जपवार यांचे आदेशाने मालाविषयी गुन्हे उघडकीस आणणे, तसेच अवैध शस्त्र बाळगणारे इसमांची माहिती काढुन कारवाई करिता स्थानिक गुन्हे शाखेचे पथक पेट्रोलिंग करीत होते.
यावेळी ते येरमाळा येथील चौकात पोहचले असता पथकास गोपनिय बातमी मिळाली की आरोपी शाम शिवाजी काळे हा आंदोरा येथे जात पंचायतसाठी आलेला असून तो आंदोरा येथील हॉटेल निसर्ग समोर थांबलेला आहे व त्याचेजवळ एक गावठी कटटा आहे, अशी माहिती मिळाली. त्यामुळे या पथकाने सदरची माहिती वरीष्ठांना कळवुन लागलीच माहिती मिळालेल्या ठिकाणी गेले. यावेळी सदरील इसम हॉटेल निसर्गचे समोर थांबलेला दिसला. पथकातील स्टाफने तात्काळ गाडीतून उतरून त्यास शिताफीने पकडून ताब्यात घेतले.
ताब्यात घेवुन त्यास त्याचे नाव गावाबाबत विचारले असता त्याने शाम शिवाजी काळे (वय ३२) रा झगडेगल्ली भूम ता. भूम जि.धाराशिव असे सांगीतले. त्याची अंगझडती घेतली असता त्याचे कंबरेला खोवलेला एक लोखंडी धातुचा त्यास लाकडी पिस्टल ग्रीप असलेला गावठी कटटा व त्याचे पँटचे खिशात दोन जिवंत काडतुसे असा ४६ हजार रुपये किमतीचा मुद्देमाल मिळून आले. सदरील आरोपीची वैद्यकीय तपासणी करून त्याचेविरूध्द पोलीस ठाणे कळंब येथे अवैधरित्या शस्त्र वाळगलेप्रकरणी गुन्हा दाखल करून त्यास पुढील कारवाई करिता पोलीस ठाणे कळंब येथे हजर केले आहे.
सदरची कामगिरी स्थानिक गुन्हे शाखेचे पोलीस निरीक्षक विनोद इज्जपवार, सपोनि सचिन खटके, पोह/विनोद जानराव, नितीन जाधवर, पोलीस नाईक/बबन जाधवर चापोअं/ रोहीत दंडनाईक यांचे पथकाने केली आहे.
