लातूर : प्रतिनिधी
लातूर महापालिकेचे आयुक्त बाबासाहेब मनोहरे यांनी दि. ५ मार्च रोजी रात्री उशिरा स्वत:च्या डोक्यात गोळी झाडून आत्महत्या करण्याचा प्रयत्न केला होता. या घटनेला ७२ तासाहून अधिकाचा काळ उलटला असून आता त्यांयावर मुंबईतील कोकीळाबेन हॉस्पीटलमध्ये उपचार सुरु असून ते उपचाराला लातूरच्या सह्याद्री रुग्णालयाप्रमाणेच प्रतिसाद देत आहेत. मंळवारी त्यांच्या विविध तपासण्या करण्यात आल्या असून त्याचे सर्व आरोग्य तपासणी अहवाल उत्तम असे आले आहेत. त्यांच्यावर शस्त्रक्रिया करण्यात आल्याने आता त्यांची तब्येत स्थिर आहे. मात्र, आता पुढील उपचारासाठी लातूर येथील हॉस्पिटल ते विमानतळ येथे ग्रीन कॉरिडर करण्यात आला होता. त्यानंतर एअर ऍम्बुलन्सद्वारे त्यांना मुंबईला हलविण्यात आले.
महापालिकेचे आयुक्त बाबासाहेब मनोहरे यांनी शनिवारी रात्री उशिरा स्वत:च्या डोक्यात गोळी झाडून आत्महत्या करण्याचा प्रयत्न केला होता. घटनेनंतर त्यांना तात्काळ लातूरातील सह्याद्री हॉस्पीटल येथे दाखल करण्यात आले होते येथे यशस्वी शस्त्रक्रिया करण्यात आली. मात्र मेंदूच्या काही भागात संवेदना कमी असल्याने त्यांना पुढील उपचारासाठी मुंबई येथील कोकिळा बेन हॉस्पिटल येथे सोमवारी (७ एप्रिलला) साडेदहा ते अकराच्या दरम्यान एअर ऍम्बुलन्सद्वारे लातूर विमानतळावरुन मुंबईकडे नेण्यात आले.
तेथे ही ते लातूर प्रमाणेच उपचाराला प्रतिसाद देत असून मंगळवारी त्यांचा सीटी स्कॅन, एमआरआय, व्हेनोग्राफी, अँजोग्राफी आदी तपासण्या करण्यात आल्या असूनत्याचे सर्व आरोग्य तपासणी अहवाल उत्तम असे आले आहेत. त्याच्या मेंदूच्या काही भागात संवेदना कमी असल्याने डाव्या बाजूच्या अवयवयांची हालचाल कमी होत असली तरी त्याच्या उजव्या बाजूचे अवयव पुवर््वत पणेच हालचाल करीत आहेत. त्यांच्यावर लातूरातील सह्याद्री हॉस्पीटल मध्ये जी ट्रीटमंट सुरू होती तीच सेम ट्रिटमेंट कोकीळाबेन हॉस्पीटल मध्ये सुरू असून ते लवकरच बरे होतील असे त्यांच्यावर उपचार करणा-या वैद्यकीय तज्ज्ञांकडून सांगितले जात आहे.
