उदगीर : प्रतिनिधी
उदगीर नगर परिषदेसाठी ६८.१२ टक्के मतदान झाले. एकूण ५६६६३ मतदान झाले पुरुष ६९.१ टक्के (२९४२३ ) महिला ६७.१९ टक्के (२७२३२) महिलां तर ५२.९४ टक्के तर इतर ९ मतदारांनी मतदानाचा हक्क बजावला एकूण ९१ केंद्रावर ४४० कर्मचा-यांची नियुक्ती करण्यात आली होती.
सुव्यवस्थेसाठी १०० पोलीस कर्मचा-यासह अशा वर्कर व अंगणवाडी कार्यकर्ता यांचाही सहभाग होता. तसेच प्रत्येक बुथवर एक नगरपरिषद कर्मचारी व्हील चेअरसह परिषदेकडून नियुक्त करण्यात आला होता. स्त्री मतदान केंद्र दिव्यांग मतदान केंद्र व तरुण मतदान केंद्र, अशी आदर्श मतदान केंद्र लालबहादूर शास्त्री विद्यालयामध्ये तयार करण्यात आले होते. न्यायालयीन प्रकरणामुळे नगरपरिषद नगरसेवक वार्ड क्रमांक आठ १५ व १६ ब या ठिकाणी न्यायालयाने निवडणूक रद्द केली असूनही येथे २१ तारखेस निवडणूक प्रक्रिया पार पडणार आहे.
निवडणूक प्रकिया शांततेत पार पाडण्यासाठी उपजिल्हाधिकारी व निवडणूक निर्णय अधिकारी सुशांत शिंदे, तहसीलदार राम बोरगावकर मुख्याधिकारी व प्रशासक सोमनाथ जाधव यांच्यासह उपविभागीय पोलीस आधिकारी भावलंवडे, पोलीस निरिक्षक दिलीप गाडे, राजकुमार पुजारी यांनी परिश्रम घेतले.
