लातूर : प्रतिनिधी
‘जे जे नवे, ते ते लातूरला हवे’ हा ध्यास जपणा-या लातूर शहरात ‘किसना डायमंड अँड गोल्ड ज्वेलरी’ अशा नामांकित ब्रँडचे दालन सुरू होणे ही निश्चितच अभिमानाची बाब आहे. लातूर शहर प्रगतीच्या दिशेने वेगाने वाटचाल करीत असून, येथील ग्राहकांची वाढती क्रयशक्ती, बदलती जीवनशैली आणि दर्जेदार उत्पादनांना मिळणारी पसंती यामुळेच आंतरराष्ट्रीय स्तरावरील नामांकित ब्रँड लातूरमध्ये आपला विस्तार करीत आहेत. हे शहराच्या आर्थिक प्रगतीचे आणि वाढत्या लौकिकाचे द्योतक आहे, असे यावेळी बोलताना राज्याचे माजी वैद्यकीय शिक्षण सांस्कृतिक कार्यमंत्री व लातूर जिल्ह्याचे माजी पालकमंत्री तथा महाराष्ट्र विधिमंडळ काँग्रेस पक्षाचे मुख्य प्रतोद आमदार अमित विलासराव देशमुख यांनी नमूद केले. हरी कृष्णा समूह आणि लातूर येथील ईटकर व्हेंचर यांच्या संयुक्त विद्यमाने लातूर शहरातील भारतरत्न राजीव गांधी चौक परिसरात सुरू करण्यात आलेल्या ‘किसना डायमंड अँड गोल्ड ज्वेलरी’या भव्य दालनाचा शुभारंभ माजी मंत्री, आमदार अमित विलासराव देशमुख यांच्या प्रमुख उपस्थितीत मंगळवार दि. १७ नोव्हेंबर रोजी दुपारी करण्यात आला.
यावेळी ह.भ.प. परमपूज्य गहिनीनाथ महाराज, हरी कृष्णा समूहाचे घनश्याम ढोलकीया, खासदार डॉ. शिवाजी काळगे, लातूरच्या महापौर जयश्री सोनकांबळे, क्रिएटिव्ह फाउंडेशनचे अध्यक्ष अॅड. परीक्षित अभिमन्यू पवार, अॅड. अण्णाराव पाटील, सीए सुनील कोचेटा, सुधीर इटकर, राघवेंद्र इटकर, प्रितम सुधीर इटकर, आयुष राघवेंद्र इटकर, रवी इटकर, स्थायी समितीचे सभापती सचिन बंडापल्ले, लातूर शहर जिल्हा काँग्रेसचे अध्यक्ष प्रा. शिवाजी जवळगेकर, विलास को-ऑपरेटिव्ह बँकेचे चेअरमन किरण जाधव, समद पटेल, दीपक सुळ, डॉ. सतीश बिराजदार, व्ही. पी. पाटील, पंचायत समितीचे सभापती श्रीकांत बैले, उपसभापती महेश चव्हाण, अभिजीत गिल्डा, अमित गिल्डा, डॉ. अरविंद भातांबरे, अजित माने, जयप्रकाश दगडे, राजकुमार कत्ते, केतन हलवाई, सतीश साळुंखे, भालचंद्र सोनकांबळे, गोटू यादव, हरिदास गडगडे, श्रीशैल गडगडे, बंडू किसवे, मनोज चिखले, चक्रधर शेळके, आनंद वैरागे आदिसह काँग्रेस पक्षाचे विविध पदाधिकारी, इटकर कुटुंबीय मित्रपरिवार उपस्थित होते.
















