पोलिस आयुक्त अमितेश कुमार यांची कारवाई
पुणे : प्रतिनिधी
पुण्यातील कुख्यात गुंड गजा मारणे आणि पोलिसांच्या मटन पार्टीची चर्चा चांगलीच रंगली. पुण्यात मुख्य कारवाई झाल्यानंतर सुरक्षेच्या दृष्टीने गजा मारणे यास सांगली कारागृहात नेताना पुणे पोलिसांनी कणसे धाब्यावर मटन पार्टी केली होती. गपचूप केलेल्या मटन पार्टीची माहिती पुणे पोलिस आयुक्तांना मिळाली. पुणे पोलिस आयुक्त अमितेश कुमार यांनी थेट चार पोलिस कर्मचारी आणि अधिका-यांचे निलंबन केले. त्यानंतर आता गजा मारणेच्या गाड्या जप्त केल्या.
पुणे पोलिस आयुक्त अमितेश कुमार यांनी गजा मारणेला पुन्हा एकदा दणका दिला असून पुणे पोलिसांच्या गुन्हे शाखेने मारणे टोळीच्या गाड्या जप्त केल्या. मारणे टोळीचा प्रमुख गजा मारणेसह टोळीतील इतर सदस्यांच्या गाड्या पोलिसांनी जप्त केल्या. यामध्ये दुचाकीसह अलिशान चारी चाकी गाड्यांचा समावेश आहे. त्यात २ टोयोटा फॉर्च्यूनर, एक महिंद्रा थार, एक टाटा नेक्सन यासह आणखी ४ चारचाकी गाड्या जप्त करण्यात आल्या. गुन्हे शाखेकडून टोळीतील सदस्यांच्या दुचाकीसुद्धा जप्त करण्यात आल्या आहेत.
१० ते १५ गाड्या जप्त
पुणे पोलिसांनी मारणे टोळीकडून आतापर्यंत १० ते १५ गाड्या जप्त केल्या. यामध्ये अलिशान ४ चाकी गाड्यांचा समावेश आहे. गजा मारणे पुण्यातील कुख्यात गुंड आहे. अमोल बधे आणि पप्पू गावडे यांचा खून झाला होता. या प्रकरणात गजा मारणेला अटक झाली होती.
