पुणे : वृत्तसंस्था
अमेरिकेचे राष्ट्राध्यक्ष डोनाल्ड ट्रम्प यांचे नाव भारतातही प्रचलित आहे. आता ट्रम्प यांच्या नावाचे पहिली कमर्शियल प्रॉपर्टी भारतात उभारली जाणार आहे. पुणे शहरात हा व्यावसायिक प्रकल्प उभारला जाणार आहे. ट्रम्प ऑर्गनायझेशनने १० वर्षांपूर्वी भारतातील लक्झरी हाउसिंग मार्केटमध्ये प्रवेश केला होता. आता ते पुण्यात ट्रम्प वर्ल्ड सेंटरच्या या प्रकल्पावर अंदाजे १,७०० कोटी रुपयांची गुंतवणूक केली जात आहे. याचा महसूल ट्रायबेका डेव्हलपर्स आणि कुंदन स्पेसमध्ये ५०-५० टक्के विभागला जाईल.
ट्रम्प इंडियाचे भागेदार ट्रिबेका डेवलपर्सचे संचालक कल्पेश मेहता यांनी पुण्यात ट्रम्प व्यावसायिक कार्यालयाची घोषणा केली. यावेळी ते म्हणाले, पुणे येथील डेव्हलपर कुंदन स्पेसेससोबत कोरेगाव पार्क भागात दोन व्यावसायिक टावर बांधण्यात येणार आहे. अमेरिकेच्या बाहेर भारतात ट्रम्प हे बँ्रड मोठे आहे. या प्रकल्पातून २८९ मिलियन डॉलरची कमाई होईल, अशी अपेक्षा त्यांनी व्यक्त आहे.
ट्रंप ऑर्गनाइजेशनचे एग्झीक्यूटिव्ह व्हीपी एरिक ट्रम्प यांनी म्हटले की, भारतात ट्रम्प ब्रॅँड पसंतीला उतरला आहे. अनेक गृहप्रकल्प या नावाने सुरु करण्यात आले आता भारतात पहिले कमर्शियल प्रोजेक्ट सुरु करताना आम्हाला अभिमान वाटत आहे. ऑगस्ट २०१४ मध्ये डोनाल्ड ट्रम्प मुंबईत आले होते. त्यावेळी त्यांनी लोढा ग्रुपसोबत वरळी येथे ७५ मजली आलीशान ‘ट्रम्प टॉवर’चे उद्घाटन केले होते. हा लग्झरी गृह प्रकल्प आहे. तो खूप यशस्वी ठरला. त्यानंतर कमर्शियल प्रॉपर्टीत ट्रम्प कंपनी प्रवेश करीत आहे.
असे असेल ट्रम्प वर्ल्ड सेंटर
हा प्रकल्प १.६ दशलक्ष चौरस फूट जागेत तयार केला जाईल, ज्यामध्ये २ उंच टॉवर असतील, ज्यांची उंची २७ मजल्यांपेक्षा जास्त असेल. यापैकी एका टॉवरमध्ये स्वयंपूर्ण कार्यालय असेल, तर दुस-या टॉवरमध्ये कार्यालयाची जागा भाड्याने दिली जाईल. या प्रकल्पात क्रेचे, सलून, ऑडिटोरियम, जिम, क्रीडा सुविधा तसेच स्पा, रेस्टॉरंट आणि किराणा दुकान अशा सुविधा असणार आहेत.
