अलाहाबाद : वृत्तसंस्था
पोकर आणि रमी हे जुगार नसून कौशल्याचे खेळ आहेत, असे अलाहाबाद उच्च न्यायालयाने म्हटले आहे. सामाजिक शांतता आणि सौहार्दाला बाधा आणणा-या खेळांच्या श्रेणीत हे ठेवता येणार नाही.
न्यायमूर्ती शेखर बी., न्यायमूर्ती सराफ आणि न्यायमूर्ती मंजीव शुक्ला यांच्या खंडपीठाने मेसर्स डीएम गेमिंग प्रायव्हेट लिमिटेडच्या याचिकेवर सुनावणी करताना हा आदेश दिला. सर्वोच्च न्यायालय आणि इतर उच्च न्यायालयांच्या निर्णयांचा हवाला देऊन, न्यायालयाने प्राधिकरणाला आदेशाचा पुनर्विचार करण्याचे निर्देश दिले.
अधिका-यांनी या प्रकरणाची सखोल चौकशी करावी, असे न्यायालयाने मान्य केले. केवळ अनुमानाच्या आधारे परवानगी नाकारली जाऊ शकत नाही.
याचिकाकर्त्याने म्हटले आहे की, डीसीपीने परवानगी नाकारणे हे केवळ ‘तर्कावर’ आधारित आहे की अशा खेळांना परवानगी दिल्याने शांतता आणि सौहार्द बिघडू शकते किंवा जुगार खेळण्यास प्रोत्साहन मिळते. याचिकाकर्त्याने पुढे असा युक्तिवाद केला की अशा कल्पना परवानगी नाकारण्यासाठी वैध कायदेशीर आधार नाहीत.
काय होतं प्रकरण?
पोकर आणि रम्मीला जुगार खेळ म्हणून वर्गीकृत केले जाऊ शकते किंवा त्यांना कौशल्याचे खेळ म्हटले जाऊ शकते का, हा मुद्दा न्यायालयासमोर ठेवण्यात आला होता. याचिकाकर्त्याच्या वकिलांनी आपल्या युक्तिवादात दोन्ही खेळांमध्ये लक्षणीय कौशल्याचा समावेश केला आहे, असे म्हटले. यावेळी त्यांनी आंध्र प्रदेश राज्य विरुद्ध के.एस. सत्यनारायण आणि मद्रास उच्च न्यायालयाने जंगल गेम्स इंडिया प्रायव्हेट लिमिटेड विरुद्ध तामिळनाडू राज्य या प्रकरणांचे दाखले दिले.
