सांगली : प्रतिनिधी
सांगलीतील मिरज शहारातून एक धक्कादायक घटना समोर येत आहे. सहाय्यक प्राध्यापक असलेल्या व्यक्तिीने इन्स्टाग्रामवर स्टोरी शेअर करत आत्महत्या केली आहे. त्यामुळे कुटुंबियांना धक्का बसला असून परिसरावर शोककळा पसरली आहे.
दरम्यान, २६ वर्षीय बाळकृष्ण अनिल शिंदे यांनी राहत्या घरात गळफास घेत आत्महत्या केली आहे. बाळकृष्ण हे टाकळी रस्ता, मिरज येथे राहत होते. आत्महत्या करण्याचे कारण अद्यापही समजू शकले नाही. बाळकृष्ण यांचे दोन महिन्यापूर्वीच लग्न झाले होते.
पोलिसांनी दिलेल्या माहितीनुसार, मिरज शहरातील महाविद्यालय शिंदे हे सहायक प्राध्यापक पदावर कार्यरत होते. त्यानी गळफास घेतला हे लक्षात येताच कुटुंबियांनी त्यांना तात्काळ खासगी रुग्णालयात भरती केले. परंतु डॉक्टरांनी उपचारापूर्वीच त्यांना मृत घोषित केले. या घटनेप्रकरणी मिरज पोलिस स्थानकात गुन्हा दाखल करण्यात आला आहे.
बाळकृष्ण शिंदे यांच्या इन्स्टाग्राम प्रोफाईलवर भूगोलशास्त्रज्ञ अशी माहिती दिली आहे. शिंदे हे भूगोल विषयाचे प्राध्यापक होते. २२ डिसेंबर रोजी त्यांचे लग्न झाले होते.लग्नासंबंधी व्हिडिओ त्यांनी इंस्टाग्रामवर शेअर केले होते. बाळकृष्ण यांच्या आत्महत्येमुळे शिंदे कुटुंबियांवर मोठा आघात झाला आहे.
