मुंबई : मुंबईकरांची पिण्याच्या पाण्याची चिंता मिटली असून, आतापर्यंत पडलेल्या पावसामुळे मुंबईला पाणीपुरवठा करणा-या ७ धरणांपैकी ३ धरणे पूर्णक्षमतेने भरली आहेत. मोडक सागर, तानसा आणि विहार धरणे पूर्ण क्षमतेने भरली असून उर्वरित ४ धरणेही लवकरच भरतील अशी आशा प्रशासनाकडून व्यक्त केली जात आहे. गेल्या दोन दिवसांपासून राज्यात पुन्हा पावसाने जोर धरला आहे
ताज्या आकडेवारीनुसार मुंबई शहराला पाणी पुरवठा करणा-या ७ धरणांमध्ये एकूण ९५.२७ टक्के पाणीसाठा आहे. यामध्ये विहार – १०० टक्के, मोडक सागरमध्ये १०० टक्के आणि तानसा – ९८.५३ टक्के भरले आहे. तर तुलसी जलाशयात ९७.७१ टक्के, अप्पर वैतरणा धरणात ९४.२७ टक्के, मध्य वैतरणा – ९७.६१ टक्के, भातसा – ९३.२३ टक्के भरले आहे. मोडकसागर, विहार ही धरणे पूर्णक्षमतेने भरली आहेत, तर तानसा धरण कोणत्याहीक्षणी भरण्याची शक्यता आहे. यामुळे मुंबईकरांची पिण्याच्या पाण्याची चिंता मिटली आहे.
