मुंबई : प्रतिनिधी
विधानसभा निवडणुकीसाठी आज (२० नोव्हेंबर) राज्यभरात मतदान होत आहे. सकाळी ७ वाजल्यापासून मतदानाला सुरुवात झाली. महाराष्ट्रात २८८ विधानसभा मतदारसंघात आज मतदान पार पडत आहे.अशातच अनेक मतदान केंद्रावरील ईव्हीएम मशीन बंद पडल्याच्या घटना समोर आल्या आहेत. मतदान केंद्रावर मतदानाचा हक्क बजावण्यासाठी नागरिकांनी मोठी गर्दी केली. पण काही ठिकाणी ईव्हीएम मशीन बंद झाल्यामुळे नागरिकांच्या मतदान केंद्राबाहेर मोठ्या रांगा लागल्याच्या पाहायला मिळत आहे. परिणामी मतदारांना त्रास सहन करावा लागत आहे.
या भागात ईव्हीएम मशीन बंद
अकोला :
अकोला पश्चिम विधानसभा मतदारसंघात बी. आर हायस्कूल मध्याळा येथील बूथ क्रमांक १६९ मधील ईव्हीएम मशीन बंद आहे. सकाळी मतदान सुरू झाल्यापासून मतदान यंत्रात बिघाड झाला आहे.या मतदान केंद्रावर अद्याप मतदान सुरू झालेले नाही. मतदान केंद्रावर मतदार ताटकळत उभे आहेत. दरम्यान, अकोल्यात विधानसभा मतदारसंघात सकाळी सात वाजल्यापासून सुरुवात झाली.
संभाजीनगर :
छत्रपती संभाजीनगर येथील पैठण तालुक्यातील दादेगाव बुद्रुक येथील २२६ केंद्रावरील ईव्हीएम मशिन गेल्या तासाभरापासून डाऊन आहेत. प्रशासनाकडून मशिन बदलण्याचे काम सुरू आहे. मतदान केंद्राबाहेर नागरिकांची मोठी रांग लागली आहे. मतदानाचा वेळ लागत असल्याने मतदारांमध्ये नाराजी आहे.
कोल्हापूर :
कोल्हापूर उत्तर मतदारसंघातील विक्रम हायस्कूल मतदान केंद्रावरील ईव्हीएम मशीन बंद आहे. त्यामुळे मतदान केंद्राबाहेर नागरिकांनी मोठी गर्दी केली होती.
पुणे :
पुण्यतील कोथरूड मतदारसंघातील ईव्हीएम मशीन बंद आहेत. अण्णासाहेब पाटील शाळेतील ईव्हीएम गेल्या तासाभरापासून बंद आहे. तांत्रिक बिघाडामुळे ईव्हीएम मशीन बंद पडल्याची माहिती अधिका-यांनी दिली आहे.
मुंबई :
शिवडी-लालबाग विधानसभा मतदारसंघातील आरएम भट शाळेतील मतदान केंद्रावरील ईव्हीएम मशीन बंद आहे. ईव्हीएम क्रमांक ४१ मशीन बंद आहे. तर प्रबोधनकार ठाकरे उद्यानात असलेल्या मतदान केंद्रावर अपूर्ण वीजपुरवठ्यामुळे ईव्हीएम मशीन सुरू झाल्या नाहीत. त्यामुळे नागरिकांचे हाल होत आहेत.
मालेगाव :
मालेगाव बा विधानसभा मतदारसंघातील बूथ क्रमांक २९२ येथील ईव्हीएम मशीन बंद आहेत.या बूथवर असलेली ईव्हीएम मशीन अवैध असल्याचे दिसून येत आहे. त्यामुळे मालेगावातील अनेक मतदारचिंतेत असल्याचे दिसून येत आहे. केवळ ईव्हीएम मशीन बंद असल्याने नागरिकांची तारांबळ उडाली आहे.
नाशिक:
दुसरीकडे, नाशिकमधील पंचवटी संकुलातील सोनूबाई केला मतदान केंद्रावरील १८९ बूथ तांत्रिकदृष्ट्या खराब झाले आहेत. तांत्रिक बिघाडामुळे नाशिकमध्ये मतदानाला २० मिनिटे उशीर होत असल्याचे दिसून येत आहे. त्यामुळे मतदानासाठी प्रवेशद्वार उघडण्यात आले आहे.
जळगाव :
जळगावच्या जामनेर येथील न्यू इंग्लिश स्कूल येथील मतदान केंद्रावर ईव्हीएम मशीन सुरू न झाल्याने मोठा गोंधळ उडाला. ईव्हीएम मशीन सुरू होण्यास उशीर झाल्याने मतदान केंद्रावर २० मिनिटे उशीर झाला. ईव्हीएम मशीन सुरू करण्यासाठी मतदान केंद्रावरील कर्मचारी व अधिका-यांनी तांत्रिक कर्मचा-यांची मदत घेतली. यानंतर, १५ ते २०मिनिटे मशीन सुरू करा आणि नंतर ते सील करा. त्यानंतर मतदान प्रक्रिया सुरू झाली. हे ईव्हीएम मशीन सुरू होईपर्यंत मतदानासाठी आलेले नागरिक आणि महिला बाहेर थांबून होते.
