नारायणगाव : जुन्नरच्या पश्चिम पट्ट्यातील आदिवासी भागात असलेल्या खडकुंबे गावातील लग्नसोहळ्यात आग्या मोहळातील मधमाश्यांनी केलेल्या हल्ल्यात १९ व-हाडी जखमी झाले.
या जखमींमध्ये ३ लहान मुलांचा समावेश असून त्यातील एक बालक गंभीर जखमी झाल्याने त्याला पुढील उपचारासाठी मंचर येथील उपजिल्हा रुग्णालयात हलविण्यात आले आहे. ही घटना मंगळवारी ( दि. ०६) दुपारी २.३० वाजण्याच्या सुमारास घडली.
दरम्यान, १९ जखमींपैकी १० जण जुन्नर येथील शासकीय रुग्णालयात दाखल करून ७ जणांवर उपचार करून सोडण्यात आले आहे. तर ७ जण खासगी रुग्णालयात उपचार घेत आहेत.
