विकॉन्सिस : वृत्तसंस्था
अमेरिकेमधील विस्कॉन्सिनमधील एका खासगी ख्रिश्चन शाळेत १५ वर्षीय विद्यार्थिनीने गोळीबार केला, ज्यामध्ये शिक्षिका आणि विद्यार्थिनी ठार झाली. ख्रिसमसच्या सुट्टीच्या शेवटच्या आठवड्यात गोळीबार झाल्याने अमेरिका पुन्हा रक्ताळली आहे. या घटनेत हल्लेखोर शाळकरी मुलीचा सुद्धा मृत्यू झाल्याचे पोलिसांनी सांगितले. मॅडिसनचे पोलिस प्रमुख शॉन बार्न्स यांनी पीडितांबद्दल कोणतीही माहिती दिली नाही. शाळेत मुलीने गोळीबार करणे ही एक दुर्मिळ घटना आहे, यूएसमधील सर्व सामूहिक गोळीबारांपैकी केवळ ३ टक्के महिलांद्वारे केल्या जातात.
बार्न्स म्हणाले की जखमींना किरकोळ ते जीवघेण्या जखमा झाल्या आहेत. ते म्हणाले की, ‘ख्रिसमस अगदी जवळ आल्याने मला थोडे वाईट वाटत आहे.’ प्रत्येक बालक, त्या इमारतीतील प्रत्येक व्यक्तीला त्रास होत आहे आणि नेहमीच त्रास होत असेल. खरोखर काय घडले हे शोधण्याचा आणि समजून घेण्याचा प्रयत्न केला पाहिजे. बार्न्स म्हणाले की, सकाळी ११ वाजण्याच्या आधी पोलिसांना सतर्क करण्यात आले होते. तपास करणा-यांचा विश्वास आहे की शूटरने ९ मिमी पिस्तूल वापरले आहे.
