मुंबई : प्रतिनिधी
बॉलिवूडचे सुपरहिट गायक ए. आर. रहमान यांना अचानक छातीत दुखू लागल्याने चेन्नईतील ग्रीम्स रोडवरील अपोलो रुग्णालयात दाखल करण्यात आले आहे. यांची प्रकृती रविवारी अचानक बिघडली. प्रसिद्ध आणि ऑस्कर विजेते संगीतकार सध्या हॉस्पिटलमध्ये डॉक्टरांच्या निरीक्षणाखाली आहेत, जिथे डॉक्टर त्यांच्यावर बारकाईने लक्ष ठेवून आहेत.
दरम्यान, रहमान सध्या ५८ वर्षांचे आहेत. आता हॉस्पिटलमध्ये त्यांच्यावर उपचार सुरू आहेत. ए. आर. रहमान यांची अशी अचानक प्रकृती बिघडल्यामुळे त्यांचे चाहते आता चिंतेत आहेत.
ए. आर. रहमान यांनी पूर्वाश्रमीची पत्नी आजारी पडल्यानंतर एक निवेदन जारी केले होते. ज्यामध्ये त्यांनी म्हटले होते की, काही दिवसांपूर्वी सायरा रहमान यांना वैद्यकीय आपत्कालीन परिस्थितीमुळे रुग्णालयात दाखल करण्यात आले होते.
यानंतर त्यांची शस्त्रक्रिया करण्यात आली होती. या आव्हानात्मक काळात, एकमेव लक्ष लवकर बरे होण्यावर आहे. तिच्या सभोवतालच्या लोकांच्या काळजी आणि पाठिंब्याची ती मनापासून आभार मानते. तसेच तिच्या अनेक हितचिंतकांना आणि समर्थकांना, तिच्या आरोग्यासाठी प्रार्थना करण्याची विनंती करते.
ए. आर. रहमान हे जागतिक स्तरावर प्रसिद्ध
ए. आर. रहमान आणि सायरा बानो यांचे लग्न १९९५ मध्ये झाले. त्यांना तीन मुले आहेत – दोन मुली, खतिजा आणि रहिमा. याशिवाय त्यांना अमीन रहमान नावाचा एक मुलगा आहे. या जोडप्याने नोव्हेंबर २०२४ मध्ये एका संयुक्त निवेदनाद्वारे त्यांच्या विभक्त होण्याची घोषणा करून सर्वांना आश्चर्यचकित केले होते. ए. आर. रहमान, एक प्रसिद्ध भारतीय संगीतकार, गायक आणि निर्माता असून त्यांना ‘स्लमडॉग मिलेनियर’साठी दोन अकादमी पुरस्कार मिळाले आहेत. ३० वर्षांहून अधिक काळाच्या कारकीर्दीत, रहमान यांनी बॉलिवूड आणि हॉलिवूड चित्रपटांसाठी संगीत दिले आहे. त्यांचे जागतिक स्तरावर खूप मोठे नाव आहे.
