हिंगोली/प्रतिनिधी
हिंगोलीमध्ये शिंदे सेनेच्या रेखाताई श्रीराम बांगर या जवळपास ११ हजार मतांनी निवडून आल्या असून त्यांनी भाजपचे माजी नगराध्यक्ष बाबाराव बांगर यांच्या पत्नी निता बांगर यांचा पराभव केला आहे. तर नगर पालिकेत ३४ नगरसेवकापैक १७ जागेवर नगर सेवक निवडून आले आहेत. अजीत पवार गटाचे १० नगर सेवक निवडून आले आहेत. तर भाजपला ५ नगरसेवकांवर समाधान मानावे लागले. तर काँग्रेसला केवळ २ नगरसेवक मिळाले. तसेच कळमनुरी नगर परिषदेत शिंदे सेनेच्या अध्यक्षपदी अश्वलेखा वैभव चौधरी ५ हजार ६३५ मतांनी निवडून आल्या आहेत.
त्यांनी तर कळमनुरीत २० पैकी १३ नगर सेवक शिंदे सेनेचे आले असून भाजपला केवळ २ नगरसेवकांवरच समाधान मानावे लागले आहेत. अजीत पवार गटाचे ४ नगरसेवक निवडून आले आहेत. तर काँग्रेसच्या आमदार यांच्या अदिपत्याखाली निवडणूक झाली. त्यात २० पैकी काँग्रेसचा १ नगरसेवक निवडून आला असून निवडणूक निकालाच्या पुर्वी काँग्रेसचे आ.प्रज्ञाताई सातव यांनी भाजपमध्ये प्रवेश केल्याने भाजपला हिंगोली जिल्ह्यात तीनही नगरपालिकेत हार पत्करावी लागली. वसमत मतदार संघात अजीत पवार गटाच्या बाहेती सुनिता मनोहर ह्या अध्यक्षपदी निवडून आल्या आहेत. त्यांनी ३ हजार ३५१ मतांनी काँग्रेसच्या सिमा हाफि स यांचा पराभव केला आहे.
