लातूर : प्रतिनिधी
इयत्ता १२ वी एच. एस. सी. बोर्ड परीक्षेचा निकाल दि. ५ मे रोजी जाहीर झाला. शिव छत्रपती शिक्षण संस्थेच्या येथील राजर्षी शाहू महाविद्यालयाच्या विद्यार्थ्यांनी उज्ज्वल यशाची परंपरा कायम ठेवली आहे.
यावर्षी विज्ञान शाखेत एकूण १०८९ विद्यार्थ्यांनी परीक्षा दिली होती, यापैकी सर्वच्या सर्व विद्यार्थी उत्तीर्ण झाले आहेत. उत्तीर्ण विद्यार्थ्यांचे प्रमाण १०० टक्के आहे. लातूर विभागीय मंडळाचा निकाल ८९.४६ आहे. या तुलनेत राजर्षी शाहू महाविद्यालयाचे विज्ञान शाखेतील उत्तीर्ण विद्यार्थ्यांचे प्रमाण १०.४४ टक्के जास्त आहे. द्रोणा प्रदिप वीरकपाळे हा विद्यार्थी ९४.८३ टक्के गुणांसह महाविद्यालयात सर्वप्रथम आला. शिवानंद विष्णू तिडके याने ९४.५० टक्के गुण मिळवून द्वितीय तर शिवोहम प्रतापसिंह शिंदे हा विद्यार्थी ९३.५० टक्के गुणांसह सर्वतृतीय आला आहे. एकूण १५ विद्यार्थ्यांना ९० टक्के पेक्षा जास्त गुण मिळाले तर ७६ विद्यार्थ्यांना ८५ टक्के पेक्षा जास्त गुण आहेत. तसेच ४३१ विद्यार्थी विशेष प्राविण्यासह उत्तीर्ण झाले आहेत.
वाणिज्य शाखेत एकूण ४५१ विद्यार्थ्यांना परीक्षा दिली होती. त्यापैकी ४४१ विद्यार्थी उत्तीर्ण झाले आहेत. वाणिज्य शाखेचा निकाल ९७.७८ टक्के आहे. तसेच कला शाखेत २२९ परीक्षाथ्र्यांपैकी २११ उत्तीर्ण झाले आहेत. कला शाखेचा निकाल ९२.१३ टक्के आहे. एच.एस.सी. व्होकेशनल शाखेचा निकाल ८९.६५ टक्के आहे. वाणिज्य शाखेत कु. कलंत्री अनुष्का व कु. सारडा सरस्वती ९६.१७ टक्के गुणांसह महाविद्यालयातून सर्वप्रथम आहेत. तसेच सुर्यवंशी विद्या व हिरवे जान्हवी ९५ टक्के गुणांसह द्वितीय स्थानी आहेत. मुंदडा समृध्दी व कासट निकिता ९३.८३ गुणांसह तृतीय स्थानी आहेत. वाणिज्य शाखेतून एकूण ३२ विद्यार्थ्यांनी ९० टक्क्यांपेक्षा जास्त गुण घेतले आहेत. तसेच १४६ विद्यार्थी विशेष प्राविण्यासह उत्तीर्ण झाले आहेत. लातूर विभागीय मंडळाच्या निकालाच्या तुलनेत महाविद्यालयाचा वाणिज्य शाखेचा निकाल ८.३२ टक्के जास्त आहे.कला शाखेत भोसले तन्वी ही विद्यार्थिनी ९३ टक्के गुण घेऊन महाविद्यालयातून सर्वप्रथम आली आहे. तसेच श्रुती अष्टेकर ही विद्यार्थिनी ९२.५० टक्के गुणांसह द्वितीय स्थानी आहे. तसेच आर्य पवीर्वी ही विद्यार्थिनी ९०.६७ टक्के गुण घेऊन तृतीय स्थानी आहे.
कला शाखेतून ९० टक्क्यांपेक्षा जास्त गुण घेणा-या विद्यार्थ्यांची संख्या ३ आहे, तर ४८ विद्यार्थी विशेष प्राविण्यासह उत्तीर्ण झाले आहेत. लातूर विभागीय मंडळाच्या निकालाच्या तुलनेत महाविद्यालयाचा कला शाखेचा निकाल २.६७ टक्के जास्त आहे. एच.एस.सी. व्होकेशनल शाखेतून पठाण मदिहा ही विद्यार्थीनी ७३.३३ टक्के गुण घेऊन महाविद्यालयात प्रथम आली आहे. शाहू महाविद्यालयातून १०० पैकी १०० गुण मिळविणारे संस्कृत- ३६, पाली- १७, एएसटी – ५, पुस्तपालन व लेखाकर्म – ६, रशियन – १ तसेच मत्स्यशास्त्र विषयात २०० पैकी २०० गुण मिळविणारे ५ विद्यार्थी आहेत. सर्व यशस्वी विद्यार्थ्यांचे शिव छत्रपती शिक्षण संस्थेचे अध्यक्ष डॉ. गोपाळराव पाटील, उपाध्यक्ष डॉ. पी. आर. देशमुख, सचिव प्राचार्य अनिरुद्ध जाधव, सहसचिव गोपाळ शिंदे, सहसचिव अ‍ॅड. सुनिल सोनवणे, माजी प्राचार्य डॉ. आर. एल. कावळे व इतर सर्व संस्थेचे संचालक, शालेय समिती अध्यक्ष डॉ. सुहास गोरे तसेच महाविद्यालयाचे प्राचार्य डॉ. महादेव गव्हाणे, उपप्राचार्य प्रा. एस. एन. शिंदे, सीईटी- सेलचे संचालक प्रा. दिलीप देशमुख, पर्यवेक्षक प्रा. जयराज गंगणे व डॉ. भिमरावपाटील, सर्व मुख्य समन्वयक, शिक्षक व शिक्षकेत्तर कर्मचा-यांनी विशेष अभिनंदन केले आहे.
