विक्रमगड : पालघरच्या विक्रमगड-मनोर मार्गावरील केव फाट्याजवळ ट्रक-बस एकमेकांना धडकून भीषण अपघात झाला. या अपघातात १५ प्रवासी गंभीर जखमी झाले, तर दोन मुलांचा मृत्यू झाला आहे. दुसरा अपघात रायगडमध्ये पुण्याहून शाळेची सहल कोकणात येत असताना खासगी बसचा अपघात झाला. या अपघातात दोघांचा मृत्यू झाला असून ५५ जखमी झाले आहेत.
दरम्यान, पालघर-शिर्डी बस व ट्रक दुपारी १.३० च्या सुमारास मनोर-विक्रमगड मार्गावरील केव फाट्याजवळ वळणावर एकमेकांना धडकल्या. यात १५ प्रवासी गंभीर जखमी झाले असून जखमींना स्थानिकांनी बसमधून बाहेर काढून मनोर ग्रामीण रुग्णालयात दाखल केले आहे.
जखमींवर मनोर ग्रामीण रुग्णालयात उपचार सुरू असून, अनेक प्रवासी गंभीर जखमी आहेत. हा अपघात इतका गंभीर होता की या अपघातात बसची केबिन व एक बाजू चक्का-चूर झाली आहे.
दरम्यान, दुस-या अपघातात रायगडमधील माणगाव ते पुणे दरम्यानच्या ताम्हिणी घाटात एक खासगी बस उलटल्याने भीषण अपघात झाल्याची घटना शनिवारी सकाळी समोर आली आहे.
पुण्याहून शाळेची सहल कोकणात जात असताना ताम्हिणी घाटात या बसचा अपघात होऊन बस उलटली. ज्यात दोघांचा मृत्यू झाला असल्याची माहिती समोर येत आहे. तर, ५५ जखमी आहेत.
