नवी दिल्ली : तुम्ही जी औषधे डोळे झाकून खाता, ती औषधे जीवघेणी ठरू शकतात. ड्रग कंट्रोलर जनरल ऑफ इंडिया म्हणजेच डीसीजीआयने औषधांच्या तपासणीमध्ये ५० औषधे निकृष्ट दर्जाची असल्याचे म्हटले आहे. या सगळ्या मेडिसिन्स देशातल्या अनेक ठिकाणांवर विक्री होत आहेत आणि लोक हेच निकृष्ट ओषधे सर्रासपणे घेत आहेत.
तपासणीमध्ये निकृष्ट दर्जाची जी औषधे सापडली आहेत, त्यामध्ये पॅरासिटॅमॉल ५००, बीपीचे टेल्मीसारटन, कफटीन कफ सीरप, क्लोनाजेपेम, डिक्लोफेनेक, मल्टिविटॅमिन आणि कॅल्शियमच्या गोळ्यांच्या समावेश आहे.
निकृष्ट दर्जाची अशी ५० औषधे आहेत, ज्यांचा वापर देशातले लाखो लोक करतात. अनेक लोक ताप आल्यानंतर स्वत:च पॅरासिटॅमॉल खातात. या गोळ्या अतिशय निकृष्ट दर्जाच्या आहेत असे डीजीसीआयने म्हटले आहे. डीजीसीआयने आपल्या रिसर्चमध्ये केसांना लावण्यात येणारी हीना मेहंदी घातक असल्याचे म्हटले आहे. कॉस्मेटिक कॅटॅगिरीमध्ये समावेश असलेल्या हीना मेहंदीची गुणवत्ता ढासळलेली असल्याचे तपासामध्ये पुढे आलेले आहे.
भारतातल्या कफ सीरपमुळे मुलांचा मृत्यू झाल्याच्या घटना परदेशात घडलेल्या आहेत. सेंट्रल ड्रग स्टँडर्ड कंट्रोल ऑर्गनायझेशनच्या अहवालानुसार या औषधांचे सॅम्पल घेण्यात आलेले होते. गुजरातमधले वाघोडिया, हिमाचल प्रदेशातले सोलन, राजस्थानमधले जयपूर, उत्तराखंड येथील हरिद्वार, हरियाणातले अंबाला, आंध्र प्रदेशातले हैदराबाद या ठिकाणांसह देशातल्या अनेक भागांमधून सॅम्पल घेण्यात आलेले होते.
कोणती आहेत औषधे?
कॉन्सिटपेशनसाठी वापरण्यात येणारे लेक्टोलूज सॉल्यूशन, ब्लड प्रेशरसाठी घेण्यात येणारे टेलमिसाटन आणि अम्लोडिपाईन, ऑटो इम्यून डिसीससाठी डेक्सामेथासोन, सोडियम फॉस्फेट, गंभीर इन्फेक्शनसाठी वापरण्यात येणारे क्लोनाजेपाम टॅब्लेट, यांचा समावेश आहे.
