बरौत : उत्तर प्रदेशातील बागपत जिल्ह्यातील बरौत शहरामध्ये मंगळवार दि. २८ जानेवारी रोजी सकाळी एक मोठी दुर्घटना घडली. भगवान आदिनाथांच्या निर्वाण लाडू उत्सवानिमित्त मानस्तंभ संकुलातील लाकडी पॅड कोसळला. कोसळलेल्या जिन्याखाली दबून सात भाविकांचा दुर्दैवी मृत्यू झाला आहे. मृतांमध्ये २ महिलांसह ५ पुरुषांचा समावेश आहे. तर ८० हून अधिक भाविक जखमी झाले आहेत. घटनास्थळी एकच खळबळ उडाली. अपघातात जखमी झालेल्यांमध्ये महिलांव्यतिरिक्त पुरुष आणि लहान मुलांचाही समावेश आहे. मात्र, रुग्णवाहिका उपलब्ध नसताना जखमींना ई-रिक्षातून रुग्णालयात दाखल करण्यात आले आहे.
उत्तर प्रदेशातील बागपत जिल्ह्यातील बरौत शहरात मंगळवारी सकाळी ही दुर्घटना घडली. भगवान आदिनाथांच्या निर्वाण लाडू उत्सवानिमित्त मानस्तंभ संकुलातील लाकडी पॅड खाली कोसळला. कोसळलेल्या जिन्याखाली दबून सात भाविकांचा मृत्यू झाला. मृतांमध्ये २ महिलांसह ७ जणांचा समावेश आहे, तर ८० हून अधिक भाविक जखमी झाले आहेत. मिळालेल्या माहितीनुसार, बरौत शहरातील गांधी रोडवर हा भीषण अपघात झाला. श्री दिगंबर जैन पदवी महाविद्यालयाच्या मैदानावर बांधलेल्या मानस्तंभाचा लाकडी पॅड कोसळल्याने ही घटना घडली आहे.
कोसळलेल्या जिन्याखाली दबून सात जणांना आपला जीव गमवावा लागला, तर ८० हून अधिक जण जखमी झाले. मंगळवारी येथे निर्वाण महोत्सवांतर्गत धार्मिक कार्यक्रम होणार होता. ज्यासाठी ६५ फूट उंच फलाट बांधण्यात आला होता. मनस्तंभात विराजमान झालेल्या मूर्तीला अभिषेक करण्यासाठी लावण्यात आलेल्या तात्पुरत्या पाय-यांवर भाविक चढू लागताच पाय-या खाली पडल्या. त्यामुळे ८० हून अधिक जण जखमी झाले. अपघात होताच भाविकांमध्ये चेंगराचेंगरी झाली. जखमींना तातडीने रुग्णालयात दाखल करण्यात आले. माहिती मिळताच एसपी बागपत अर्पित विजयवर्गीय पोलिस दलासह घटनास्थळी पोहोचले आणि मदतकार्य सुरू केले.
कुठे झाला अपघात?
बागपत शहरापासून २० किलोमीटर अंतरावर असलेल्या बरौत तालुक्यात हा अपघात झाला. येथील श्री दिगंबर जैन पदवी महाविद्यालयाच्या मैदानात निर्वाण महोत्सव साजरा करण्यात आला. येथे एक मनस्तंभ स्थापित केला आहे, ज्यामध्ये भगवान आदिनाथांची मूर्ती विराजमान आहे. मूर्तीला अभिषेक करण्यासाठी आणि लाडू अर्पण करण्यासाठी लाकडी खांबापासून तात्पुरत्या पाय-या बनवल्या होत्या जेणेकरून भाविक स्वत: मूर्तीला लाडू देऊ शकतील. या पाय-या सुमारे ६५ फूट उंच होत्या.
