बंगळूरू : कर्नाटकात एका महिलेने दुसरे लग्न केल्यावर उच्च न्यायालयाने भरणपोषणाचा भत्ता रद्द केला. वास्तविक, हे प्रकरण मंगळुरुचे आहे, जिथे एका महिलेने पहिल्या पतीला घटस्फोट न देता दुसरे लग्न केले. सध्या या दाम्पत्याचा घटस्फोटाचा खटला न्यायालयात सुरु असून, पहिल्या पतीला महिलेच्या दुस-या लग्नाची माहिती मिळताच त्याने उच्च न्यायालयात आपली तक्रार दाखल केली.
महिलेच्या दुस-या लग्नाच्या मुद्यावर न्यायालयाने तिचा भरणपोषणाचा भत्ता रद्द केला. न्यायालयाने म्हटले की, विवादित प्रकरणांमध्ये अचूक माहिती देणे कायदेशीर प्रक्रियेसाठी अत्यंत महत्त्वाचे आहे. मिळालेल्या माहितीनुसार, २०१८ मध्ये पनकाजे मंडाडी येथील उदय नायक याने मेरीहिल येथील अनिता नायक यांच्याशी लग्न केले, मात्र परस्पर मतभेदांमुळे दोघांनी वेगळे होण्याचा निर्णय घेतला. दोघांचा घटस्फोटाचा खटला न्यायालयात सुरु आहे. या प्रकरणात न्यायालयाने महिलेला तिच्या पतीने भरणपोषणाचा भत्ता देण्याचा निर्णय दिला होता. न्यायालयाच्या आदेशानंतर उदयने महिलेला १५ हजार रुपयांचा डिमांड ड्राफ्टही दिला होता. घटस्फोटाचे प्रकरण अद्याप न्यायालयात प्रलंबित आहे.
तक्रार दाखल
घटस्फोटाच्या प्रक्रियेदरम्यान उदयने बेलतंगडीच्या सीजे आणि जेएमएफसी न्यायालयात पत्नीविरोधात तक्रार दाखल केली. पत्नी अनिता हिने गुपचूप दुसरे लग्न केल्याचे या तक्रारीत त्याने म्हटले आहे.
भरणपोषण भत्ता रद्द
पतीच्या तक्रारीवरुन न्यायालयाने महिलेचा भरणपोषणचा भत्ता रद्द केला. न्यायालयाने म्हटले की, विवादित प्रकरणांमध्ये अचूक माहिती देणे कायदेशीर प्रक्रियेसाठी अत्यंत महत्त्वाचे आहे. या निर्णयामुळे घटस्फोटाच्या प्रकरणातील वाद दुस-या लग्नानंतर वाढू शकतात. मानवी समाजातील बदलांसह, कायदेशीर व्यवस्थेने अशा समस्यांचे निराकरण करण्यासाठी समायोजित केले पाहिजे, ज्यामुळे पीडितेला न्याय मिळेल. न्यायालयाने पुढे म्हटले की, सर्वांनी विवाह आणि घटस्फोटाशी संबंधित कायदेशीर जबाबदा-यांचे पालन केले पाहिजे.
