मुंबई : प्रतिनिधी
मुंबई-पुणे एक्स्प्रेस वेवर मोठ्या प्रमाणात अपघात होत होते. त्यामुळे २०१६ मध्ये झिरो फटॅलिटी कॉरिडॉर प्रकल्प राबविण्यात आला. या झिरो फॅटॅलिटी कॉरिडॉरमुळे रस्ते अपघातामधील मृत्यूच्या संख्येत ५८.३ टक्के घट झाली आहे तर २०२२ पासून ३२ टक्के घट झाली आहे.
मुंबई-पुणे एक्स्प्रेस वे प्रवाशांसाठी २००२ मध्ये खुला करण्यात आला होता. हा देशातील पहिला एक्स्प्रेस वे आहे. मुंबई-पुणे एक्स्प्रेस वे वर २०१६ मध्ये १५१ जणांचा अपघाती मृत्यू झाला होता. त्यामुळे झिरो फॅटॅलिटी कॉरिडॉर प्रकल्प राबविण्यात येत आहे. महाराष्ट्र राज्य रस्ते विकास महामंडळ, सेव्ह लाईफ फाउंडेशन, महाराष्ट्र महामार्ग पोलिस, महाराष्ट्र मोटार वाहन विभाग यांचा संयुक्त उपक्रम आणि एसबीआय जनरल इन्शुरन्सचा संयुक्त उपक्रम आहे. एक्स्प्रेस वे वर एकेकाळी २०१६ मध्ये १५१ मृत्यूंची नोंद होती.
म्हणजे २ किमीवर अंदाजे ३ मृत्यू होत होते. २०१६ च्या तुलनेत प्रति २ किमी १ मृत्यू होत आहे.
अपघात रोखण्यासाठी ३५०० हून अधिक ठिकाणी अभियांत्रिकी समस्यांवर उपाययोजना करण्यात आली असून, १७६ किमी पेक्षा जास्त क्रॅश बॅरियर्सची स्थापना केली गेली. तसेच २०० किमी टॅक्टाइल एज लाईन आणि ३ किमी टॅक्टाइल शोल्डर लाईन्सची अंमलबजावणी करण्यात आली आहे. तसेच इमर्जन्सी मीडियन किमी २६.६ वर ओपनिंग आणि किमी ८२.७ वर उदयोन्मुख ब्लॅक स्पॉटवर उपचार सुविधा उपलब्ध केल्या आहेत.
यासोबतच अपघात रोखण्यावर लक्ष केंद्रित करून २ स्मार्ट पेट्रोलिंग वाहने तैनात करण्यात आली आहेत. दिवसा आणि रात्री आरटीओ आणि महामार्ग पोलिसद्वारे कारवाई करण्यात येते. यासोबतच स्पीड ट्रॅप्स आणि सक्रियपणे बदलता येण्याजोगे स्पीड ट्रॅप लावले गेले आहेत. ५०० हुन अधिक फॉरेन्सिक क्रॅश तपास हाती घेण्यात आला.द्रुतगती मार्गावर आपत्कालीन काळजी आणि वैद्यकीय सहाय्य मजबूत करण्यासाठी रुग्णवाहिकांची संख्या २ वरून ८ करण्यात आली. सुधारित वैद्यकीय प्रतिसादासाठी ३ रुग्णवाहिका श्रेणीसुधारित करण्यात आल्या. सुधारित आपत्कालीन काळजी कौशल्यांसाठी १७०० हून अधिक पोलिस कर्मचारी आणि मूलभूत ट्रॉमा लाइफ सपोर्टमध्ये स्वयंसेवकांना प्रशिक्षित केले
जागरुकता मोहिमेला वेग
जागरुकता मोहिमेला वेग देण्यात आला. मागील बाजूची टक्कर आणि मागील सीट-बेल्ट वापरण्याचे महत्त्व यासारख्या मुद्यावर लक्ष केंद्रीत करण्यात आले. २५०० ट्रक ड्रायव्हर्सना अपघात प्रतिबंधक कौशल्ये प्रशिक्षित करण्यात आली. ९० पोलिस आणि आरटीओ अधिका-यांसाठी प्रशिक्षण कार्यक्रम आयोजित केले. २७ अभियंते, पोलिस आणि आरटीओ अधिका-यांसाठी प्रशिक्षण सत्र आयोजित केले.
मुंबई पुणे एक्सप्रेस वे अपघाताचे प्रमाण घटले
२०१६ – अपघाती मृत्यू – १५१
२०२३ – अपघाती मृत्यू – ६३
विविध सुरक्षा उपाय लागू
मुंबई पुणे एक्स्प्रेसवेवरील प्रत्येक मृत्यू हा एमएसआरडीसीसाठी गंभीर चिंतेचा विषय आहे. एमएसआरडीसीने मुंबई-पुणे एक्स्प्रेस वेवर विविध सुरक्षा उपाय लागू केले आहेत. यामुळे रन-ऑफ क्रॅश, ऑब्जेक्ट इम्पॅक्ट क्रॅश, हेड-ऑन क्रॅश आणि खराब दृश्यमानता संबंधित क्रॅश यांसारख्या उणिवा दूर केल्या आहेत. एक्स्प्रेसवेवर शून्य मृत्यू साध्य करण्याचा प्रयत्न चालू आहे, असे एमएसआरडीसीचे व्यवस्थापकीय संचालक डॉ. अनिलकुमार गायकवाड यांनंी सांगितले.
