शिर्डी : लोकसभा निवडणुकीची रणधुमाळी सुरू आहे. सर्वच राजकीय पक्षाचे उमेदवार जोमाने प्रचाराला लागले आहेत. शिर्डी लोकसभेचे महायुतीची उमेदवार सदाशिव लोखंडे संगमनेर तालुका दौ-यावर आहे. संगमनेरला गेल्यावर प्रसिद्ध अन्सार चाचा यांच्या वडापावच्या दुकानात वडा खान्याचा मोह त्यांना आवरता आला नाही. यावेळी चाचांनी नेहमीच्या आपल्या शैलीने त्यांचे स्वागत केले. त्यांचा प्रसिद्ध डॉयलॉग ‘खाता की नेता’ हा वापरला. तसेच आमच्याकडे वडा खाणारा निवडूनच येणार अशा अनोख्या शुभेच्छाही दिल्या.
अहमदनगर जिल्ह्यासह राज्यात आणि देशभरात आपल्या विशिष्ठ शैलीने अन्सार चाचा प्रसिद्ध आहे. ग्राहकांशी प्रेमाने बोलण्याबरोबर अतिशय चविष्ट वडापावसाठी त्यांचे समनापूर ओळखले जाते. महायुतीचे उमेदवार सदाशिव लोखंडे यांनी अन्सार चाचा यांच्या नशीब वडापाव येथे भेट दिली. यावेळी खासदार सदाशिव लोखंडे यांना वडापाव खाण्याचा मोह आवरला नाही. खासदारांचा ताफा अचानक अन्सार चाचांच्या दुकानासमोर थांबताच अन्सार चाचांनी देखील दुकानातून बाहेर येत खा.लोखंडे यांचे स्वागत केले.
खासदार लोखंडे यांनी अन्सार चाचांचा हात हातात घेत त्यांचा फेमस डायलॉग .. ‘खाता की नेता’ म्हणताच उपस्थितांसह अन्सार चाचा देखील खळखळून हसले.
