नवी दिल्ली : कथित न्यूज क्लिक फंडिंग प्रकरणात अंमलबजावणी संचालनालयाने (ईडी) अमेरिकन करोडपती नेव्हिल रॉय सिंघम यांना परराष्ट्र मंत्रालयामार्फत समन्स बजावले आहे. नेविल रॉय सध्या चीनमध्ये आहेत. दिल्लीतील एका न्यायालयाने प्रथम ईडीला ‘लेटर ऑफ रोगेटरी’ जारी केले. गेल्या वर्षी चिनी अधिकाऱ्यांनी सिंघम यांना समन्स देण्यास नकार दिला होता. न्यूजक्लिक फंडिंगशी संबंधित मनी लॉन्ड्रिंग प्रकरणात ईडीने त्यांना आरोपी बनवले आहे. सीबीआयने दोन महिन्यांपूर्वी न्यूजक्लिक विरुद्ध एफसीआरए उल्लंघनाचा गुन्हा दाखल केला होता आणि नेव्हिल रॉय सिंघम यांना आरोपी बनवले होते, आता त्यांना समन्स बजावण्यात आले आहे.
तुरुंगात असलेले न्यूजक्लिकचे संपादक प्रबीर पुरकायस्थ यांनाही ताब्यात घेण्याची मागणी ईडी करणार आहे. नेव्हिल रॉय सिंघम यांचे नाव न्यूयॉर्क टाइम्सच्या एका अहवालात प्रथम आले होते, ज्यात अमेरिकन लक्षाधीश जगभरात चिनी प्रचाराचा प्रसार करण्यात गुंतलेला असल्याचा आरोप करण्यात आला होता. नोव्हिलने सर्व आरोप फेटाळून लावले आहेत.
दिल्ली पोलिसांच्या स्पेशल सेलने गेल्या महिन्यात न्यूजक्लिकचे संपादक बीर पुरकायस्थ आणि एचआर प्रमुख अमित चक्रवर्ती यांना अटक केली होती. १०० ठिकाणी छापे टाकून पत्रकार आणि कार्यकर्त्यांसह सुमारे १०० जणांना अटक करण्यात आली आहे. कायद्याची अंमलबजावणी करणारे अधिकारी पोर्टलवर चीनकडून बेकायदेशीर पैसे घेतल्याचा आणि चिनी प्रचाराला चालना देत असल्याचा आरोप करत त्यावरील आरोपांची चौकशी करत आहेत. पोर्टलशी संबंधित अनेक कर्मचारी आणि सल्लागारांचीही चौकशी सुरू आहे.
