नवी दिल्ली : मध्य प्रदेश, राजस्थान आणि छत्तीसगड विधानसभा निवडणुकीत काँग्रेसचा पराभव करून भाजपने हिंदी भाषिक राज्यांमध्ये आपली पकड मजबूत केली आहे. भाजपकडून लोकसभा निवडणुकीसाठी वातावरण तयार करण्यासाठी विधानसभा निवडणुकीच्या निकालांचा उपयोग केला जात आहे. मात्र, काँग्रेसने आशा सोडलेली नाही. विधानसभा निवडणुकीत पक्षाचा पराभव निश्चितच झाला असला तरी जनतेचा पाठिंबा पक्षाने गमावलेला नाही, असा काँग्रेसचा विश्वास आहे. निवडणुकीतील ‘हे’ आकडे काँग्रेसच्या पुनरागमनाची आशा वाढवतात, असे काँग्रेस नेते जयराम रमेश यांनी म्हटले आहे.
काँग्रेसचे सरचिटणीस जयराम रमेश म्हणाले की, छत्तीसगड, मध्य प्रदेश आणि राजस्थानमध्ये भारतीय राष्ट्रीय काँग्रेसची कामगिरी निराशाजनक आहे हे खरे आहे. आमच्या अपेक्षेप्रमाणे निकाल आलेले नाहीत. मात्र मतांच्या टक्केवारीचा विचार करता काँग्रेस भाजपपासून फार दूर नाही. खरे तर ही दरी बंद होऊ शकते. हे आकडे पुनरागमनाची आशा आणि शक्यता वर्तवतात. मध्य प्रदेश, राजस्थान आणि छत्तीसगड विधानसभा निवडणुकीत भाजप आणि काँग्रेसच्या मतांच्या टक्केवारीत काय फरक आहे, असे त्यांनी म्हटले आहे.
