सुरेंद्रनगर : गुजरातमधील सुरेंद्रनगर जिल्ह्यामध्ये लिंबडी-राजकोट महामार्गावर भीषण अपघात झाला आहे. एका भरधाव येत असलेल्या डंपरने मिनी ट्रॅव्हलरला धडक दिल्याने झालेल्या अपघातात पाच जणांचा जागीच मृत्यू झाला आहे. तर १० जण जखमी झाले आहे.
हा अपघात मोरवड गावाजवळील पुलावर झाला. येथे एका भरधाव डंपरने समोरून येत असेलल्या मिनी ट्रॅव्हलरला जोरात धडक दिली. या अपघातात पाच जणांचा जागीच मृत्यू झाला. तर १० जण जखमी झाले आहेत. मृतांमध्ये एका महिलेचाही समावेश आहे. या अपघातानंतर महामार्गावर वाहनांच्या रांगा लागल्या होत्या. अपघाताची माहिती मिळताच पोलिस आणि रुग्णवाहिका घटनास्थळी दाखल झाल्या होत्या. त्यानंतर जखमींना उपचारांसाठी रुग्णालयात पाठवण्यात आले. पोलिसांनी प्राथमिक तपास सुरू केला असून अपघातामागच्या कारणांचा शोध घेतला जात आहे.
