नवी दिल्ली : केंद्रीय मंत्री नितीन गडकरी यांनी बोगद्यात अडकलेल्या सर्व कामगारांची सुटका झाल्यानंतर आनंद व्यक्त केला आहे. त्यांनी सोशल मीडियावर लिहले की, सिल्कियारा बोगदा दुर्घटनेत अडकलेल्या ४१ कामगारांची यशस्वीरित्या सुटका झाल्याने मी पूर्णपणे आनंदी आहे. हा अनेक एजन्सींनी केलेला एक सुव्यवस्थित प्रयत्न होता, जो अलिकडच्या वर्षांत सर्वात लक्षणीय बचाव कार्यांपैकी एक आहे, असे ते म्हणाले.
गडकरी म्हणाले की, सर्वांच्या अथक आणि प्रामाणिक प्रयत्नांमुळे आणि सर्वांच्या प्रार्थनांमुळे हे ऑपरेशन शक्य झाले आहे. बचाव पथकांच्या समर्पित प्रयत्नांमुळे अनुकूल परिणाम मिळाले आहेत. या बचाव कार्यात सहभागी असलेल्या प्रत्येक एजन्सी आणि व्यक्तीचे मी कृतज्ञता व्यक्त करतो. आंतरराष्ट्रीय बचाव तज्ञ, प्रशासकीय अधिकारी आणि उत्तराखंड सरकार यांच्या जलद आणि प्रभावी प्रतिसादाबद्दल त्यांचे मनापासून कौतुक. शेवटी, मी एमओआरटीएचच्या अधिकारी आणि अभियंत्यांना त्यांच्या प्रामाणिक प्रयत्नांबद्दल धन्यवाद देतो.
